Coronavirus kong he pehtlai in police nih minung 266 bak an tlaih cang hna tiah AFP thawngzamhtu nih an thanh. Hi bantuk in an tlaihmi hna hi social media ah coronavirus kong he pehtlai in a dik lomi thawng an thanh ruang ah a si. Thawng diklo tlangzarh ruang ah Asian ram pahra hna in Thailand, India le Mongolia hna in minung 266 bak hi tlaih an si cang tiah police nih an chimmi AFP thawngzamhtu nih an thanh.

Hi bantuk in thawngpang diklo a tlangzarhtu hna chung ah hin India hna ah cun mah umnak zawn ah ramkhel rian ttuantu (local politician) hna zong an i tel tiah an chim. Cun a cheukat hna nih cun a post mi cu thawng diklo a si le silo zong a hngal lomi an um ve tiah an chim chih. Sri Lanka nu pakhat zong Facebook ah kan president cu COVID-19 positive a si e tiah a post ruang ah custody ah nithum chung chiah a si tiah police hna nih an chim.

Cambodia ah Facebook lei i a fiamthiam ngaimi pakhat nih Prime Minister Hun Sen biatlawng pakhat cu i laak in ttih a nungmi thil tuahduhnak lungthin thawhtertu ah a hman caah kum hnih chung thong thlak ding in a bia ceih piak a si, tiah AFP nih an chim. Ref: Mizz