Wuhan City in aa thok mi Coronavirus hi khatlei hoih in kan chim ahcun mi cungah zaangfahnak a ngei lo bikmi asi. Mirum le mifim zong a thleidang hna lo. Doctor le cathiam zong a hngalh hna lo. Saram sisehlaw a hrang taktakmi bantuk khi a si. Voikhat thawngpang ah direct in vawleipi a cul dih. A thawngpang nak hman in Virus nih vawlei cung ram a cul ning hi a let in a rang deuh. Cu tluk in a rangmi a hrangmi virus cu ṭih awk zei hman ah um ti lo. A da mi mizaw an tam chin lengmang cang.

 

Tutan cu a bikin China sibawi pa nih Coronavirus zawtnak chungin damnak ahmuhnak kongtu hi kan vun ṭial duh deuhmi cu asi. Dr. Yu hi Covid-19 disease control group ah ṭuanvo ngeitu pakhat asi ve. Amah hi China ram Hubei Province ah Covid-19 in a zawmi hna a zohkhenhtu hna bik siibawi pakhat asi.

Dr. Yu hi January, 2020 ahkhan Coronavirus hrik ai lak sual ve. Ni 15 chung siizungah an zohkhenh hnuah atu cu dam tein siizung in a chuak ṭhan cang. Dr. Yu ah umnak siizung room pakhat chungah hin Coronavirus zawnak a ngeimi hna minung pa 6 hna he an um ṭi hna. An dihlakin damnak an hmu dih.

USA president Donald Trump nih cun “Coronavirus caah special in sii kan ser kho rih lo. Dollar tampi dih in a rannak bikin ser kan i timh cuahmah. A caan a rau ti lai lo. Vawlei cung ramkipah kan sermi sii kan kuat dih lai i, mizaw dihlak nih damnak an hmu lai. Coronavirus i zohkhenhnak ding ahcun smart action a hau,” tiah a ti.

Coronavirus zawnak ruangah athimi hna minung hi virus hrik an cungah um hnu ni 7 in a cung lei hnu lawngah siizung ah an i piak caah mi cheukhat cu an cuap a rak rawh manh caah an thihpinak hna a ruang hi a si. Ṭha tein a caan hman tein siizung a phanmi le siibawi te nih ṭha tein a caan hman tein an zohkhenhmi hna mizaw 90% nih damnak an hmu.

Dr. Yu nih a chim chap rihmi cu “Mipi pawl nih hi virus kongah siibawi te nan kan mawhchiat peng ahcun ahohman nih siibawi si hi an duh cio lai lo. Cucaah educational institute tu hi biatak tein ka dirh lai i mipi hna le siibawite nih ṭha tein pehtlaihnak kan ngei deuh khawh a si ahcun hmailei ah hi nakin thilṭha kan tuah ṭi kho deuh lai,”tiah a video tawi te ah a chim.

Mipi Sinah Theihternak Le Nawlnak;
Hihi Dr. Yu nih a tonmi thil kongle damnak a hmuhnak video in a chimmi Laica in kan lehchinmi a si. Phuahcopmi thawngpang asi hrimhrim ti careltu nih nan kan theihpiaknak lai kan in theihter duh fawn hna. Cun hi thawngpang Chintlaks thawngzamhnak nih aṭialmi kan lakchinmi asi.