Tutan i thawngpang kan rak ṭialmi hi atu lio zawtnak ṭihnung Covid-19 a ngeimi Mizo nu a min Vuli chhangte biruahnak an ngeihnak ah achimmi hna kan vun thlazamh chinmi a si. Amah hrimhrim nih hi zawtnak ṭihnung Conoravirus a ngeihnak a chim. Biaruahnak an ngeihmi ngaih khawh le rel khawh a si. “February 2 zaanlei in ah khan soisel hram an thawk i, thla 3 in ni 19 tiang khan (room) dang ah an ka chiah. Adam cang ko ti an ka ti hnuah thla ni 20 ah an ka chiahnak khan cun an ka chuah hi a si,”

Amah hi sizungah i kal in an umnak inn khan dang te ah an chiahmi a si i sizungah a kal lonak a ruang a chimmi rihmi cu “Sizung kal dingin sibawite anmah le anmah le an i chawn i sibawite nih a zualhma tukmi a si lo ahcun sizungah arat lo ah aṭha deuh hnga lo maw? a ruang cu Covid-19 a si lo sual ahcun sizungah cun i chawnh khawh ṭhan hleiah, a zual hma tuk lomi kha, a zualhma tukmi pawngah an um cun an i chawnh khawh caah inn room pakhat ah khan rak chiah ko uh, sizung ah ihnak hmun zongah a hmu ti lo hleiah a serious tuk lomi cu an sizungah an rat zongah kan ṭinter ko hna, ” sibawite nih an ka ti tiah a chim hi a si.

Zawtnak a ngeihning a chimmi ” Hi zawtnak ka ngeih hi January 27 hrawngah China acozah nih mipi i ralrin ding ke hmaikhuh i khuh dih ding tiin thanhnak an rak tuah. January thla 28 hrawngah khan ka thil herh caw dingin bazar ah ka kal i bazar ka kal leiah cun ka hmaihkhuh ka khuh ko. Ka hmaikhuh nih ka thaw a ka phih caah thaw ka chuah kho lo i ka phoih i, bazar ah minung tampi cu an i khuh dih hna i kei cu inn lei ka lawi lei zongah ka khuh ti lo cucaah hi ka thawk in hi zawtnak hi ka ngeihnak hi a si lai kan ruahpiakmi a si i aruang cu hmundang ka dangah ka chuak ti lo,” tiah a chim.

Hi kan unau Mino nu a umnak hmun hi Hefei City ti a si i an umnak hmun ah cu tluk pi in ṭih awk in a rak um rih tiah amah zong nih a chim. Mipi zong nih cutluk pi in ṭih awk an rel ve hlei lo i atubantuk amah zong hi an ram mipi hmanh nih an ṭih ve hlei lomi cu ti phu in daithlang deuh in a um hi a si. Aho kan si cio hmanh ah i ralrin cio hna u sih! Aṭial in kan ṭial ah cun a sau tuk lai caah aherhnak deuh tiah kan ruahmi deuh lawng kan rak ṭial hi a si. Atangah a video kan chiah chih ko i a video ah tlamtling deuh in ngaih khawh a si.

Video timi hi hmet law biaruahnak an ngeihnak ngaih khawh a si. 

||Note: Hihi kanmah nih ka ruahnak in kan ṭawnṭawk chawmmi a si lo. Mizo kan unau hna nih ṭha tein biahal an tuah i amah nih a chimmi ning tein kan vun thlazamh chinmi tu a si deuh ti kan theihpiak uh!||