Vawlei hmunkip ah thihnak a tlunter cuahmahtu coronavirus kong ah ram pical pawl an lung a hring cang. Hi pulrai hi China nih an sermi a si ko lai tiah chin a si. President Trump le ram pical hruaitu pawl hna zong China cung ah an lung a tlinglo ngaingai cang. A sinain China le a leittang pawl nih cun China sual puhnak cu an cohlang kho ve hrimhrim loh. Coronavirus nak in ttih a nung deuhmi a chuak suallai ti phan a um ko.

Vawlei hruaitu pawl le mifim pawl nih China an puhmi hna cu Wuhan lab Director nih a si loh tiah a chim. Hi bantuk in an chimmi hi a si kho lomi a si tiah an chim. Chinese scientist pawl nih an chimmi cu hi zawtnak rungrul virus hi kan lab in ai thokmi a si lo. Wuhan khua sahring zuarnak in minung ah a kaimi zawtnak a si ko tiah an ttang ve.

A sinain Wuhan Institute of Virology a bik in P4 laboratory ah hin a thli te in thil tthalo tuah rak timhnak thilri pawl. A hmet tuk caah mit lawng in hmuh khawh a si lomi rungrul virus pawl in i khamhnak thuamthil pawl hna cu hmuh an si ti a si ve hoi. Kan hnu nirukni ah khan state media nih hi laboratory director Yuan Zhiming biahalnak an tuah lio ah a chim vemi cu a zei ti hmanh in kan sin in hi zawtnak rungrul virus hi a chuakmi a si kho loh tiah a chim.

CGTN Engish-language state broadcaster sin ah a chim rihmi cu, kan rian ttuantu a ho hmanh hi zawtnak a ngeimi hi an um lo. Hlathlainak tuah ning in hi coronavirus hi hmun dang he an i pehtlai deuh ti a si. Kan rian ttuannak kong h February thla thoka ah khan World Health Organization zong ah thawng kan thanh hna tiah an chim chih.

A sinain United States Secretary of State Mike Pompeo nih US official pawl cu hi kong he pehtlai in hi zawtnak rungrul hi khoika in dah ai thok i zeitin dah ai thokning a si. Cun zeitin dah vawlei pumpuluk ah a karhning a si timi cu an hlathlai cuahmah lio a si. Hi bantuk in hlathlainak tuahtu pawl nih hi zawtnak hrik chuahnak kong an chimmi he pehtlai in Yuan cu an hal. Yuan nih a chimmi cu kan lab in hi bantuk ttihnung rungrul virus a chuak timi cu a si kho lomi a si ti ka hngalh ko. tiah a chim ve. Ref: Mizz