2019 Novel Coronavirus (COVID-19) Ralrinawk Le Theihawk. Update: Tulio cu kan umnak US ram zongah Corona virus nih 34 State a hnursuan cang i Covid-19 positive a si mi minung (500) reng lo an si cang. US ram ah a zual biknak hmun pahnih hna cu California le Washington State hna hi an si. Ramleng cu chim lo, ramchung hmanhah khualtlawn zong tih a nung chin lengmang cang caah ralrin ngai kan hau hna. Indiana Governor Holcomh zong nih minung (250) leng tonpumhnak ngeih lo dingin March 12 ah thanhnak a tuah cang. Indiana State ah positive asi mi 12 an um cang. Cu hna cu: 1. Johnson County -3- 2. Hendrick County -2- 3. Boone County -1- 4. Noble County -1- 5. Marion County -2- 6. Adams County -1- 7. St Joseph County -1- 8. Howard County -1 an si hna.

I. Zeitindah Covid- 19 In Kai Runven Lai? 1. Chahpiat le Ti in Second 20 chung kut i tawl ding, siloah 60% alcohol ai tel mi hand Sanitizer in i tawl ding. 2. Tawl lo mi kut in mit, hnar le kaa i tongh lo ding. 3. Mizaw kam ah um tuk lo ding. A si khawh chungin mizaw hrial ding. 4. A zaw mi hna nih an hman mi kheng le hrai tibantuk i hrawm lo ding. 5. Hmahnai tibantuk na ngeih ahcun thiang tein tawl peng ding. 6. Khuhkhuh le hatheu tikah tissues in i huh ding.Cun hnawmpung ah hlawnh ding. 7. Flu shot nih Covid-19 cu a khamh khawh rih lo caah mah tein i runven ding. Hi zawtnak cu ni 2-14 karlak ah a lang.

II. Covid- 19 Kong A Hnu Bik (Update)Thawngpang Theih Na Duh Ahcun. 1. Covid-19 kong he pehtlai in zawtnak theih le h alh na duh ahcun https://www.cdc.gov/coronavirus/2019-ncov/index.html or https://www.in.gov/isdh/25863.htm ah zoh ding. 2. CDC sullam cu Centers For Decease Control and Prevention ti asi i zawtnak hrik/rungrul lei tibantuk khamnak a hrampi an si. III.Mi Pakhatkhat Siloah Keimah Zong A ka Chawnh Ko Rua Tiah Na Ruah Ahcun A Hodah Na Chawnh Hmasa Bik Lai. 1. Covid-19 nih a ka tlunh ve ko rua tiah na ruah ahcun na Doctor ( Primary Care Provider) kha na chawnh hmasa cawlh bik lai. Cuticun na Doctor nih tuah le zulh a herh mi kha tuanvo an lak piak cawlh lai.

IV. Khawika Hmun Ahdah Test Kai Tuah Lai? 1. Na Primary Care Provider le Medical lei Professionals hna nih Covid-19 na ngei ko tiah an in ruah ahcun test tuahnak ding caah CDC siloah Local public health department kha contact an in tuah piak cawlh lai. 2. Atu lio US ram chungah hi TEST nak a tuah kho mi cu CDC le cheukhat state public health department hna an si. 3. Zawtnak kong he na doctor sinah ah biahal na duh mi a um ahcun Virtual Visit ti mi ah schedule na tuah khawh. V. Zawtnak Ka Ngeih Sual Ahcun A Ka Cover Lai Maw? 1. Covid-19 zong na health insurance benefit planning ning tein an cover ko lai. CDC latest news. Chin Community of Indiana