Admin||05|Biangreithlep 20|2020||Vawlei mipi a kan that cuahmahtu le khuachung i chawh cu chimlo rianṭuan le inn hmanh in a kan chuahter ngam lotu coronavirus ai thoknak khua thilcang cu a mak ngai. Hi pulrai zawtnak ai thoknak China ram Hubei ramtthen Wuhan khua ah cun sianginn an hun ṭhan cang tiah hindustantinemes nih May 6 ah an ṭial.

Hi pulrai zawtnak ruang ah hin kan hnu lei January thla thok khan fimcawnnak singinn pawl vialte hna cu khaar an rak si. Vocational school 121 hna cu hon ṭhan an si cang. Hi sianginn hna ah hin sianghngakchia minung 57000 hna cu cacawn nithumni ah khan sianginn kulhchung ah phan dih cang hna. Sianginn kulhchung an luh hlan ah sianghngakchia hna cu an tak a kihlum (temperature) ṭhate in tah ta viar an si tiah an chim.

Hubei Wuchang Experimental High School sianghngakchia hna cu sianginn thlthuam hna le hmaikhuh an i hrukaih dih hna. Ca cawnnak inn chung an luh hlan ah an tak kihlum le an kut hna zong felfai te in zohta an si. Cacawnnak inn chung an ṭhut tik zong ah pakhat le pakhat cu metre pakhat dan ah an ṭhutter hna tiah official news agency Xinhua nih cacawn nithumni ah khan an thanh.

Communist Party of China (CPC) sianginn secretary Ai Jianhong nih sianghngakchia hna cu an dihlak in hneksaknak tuah dih cang hnu ah a dammi an si. Cu bantuk ṭhiamṭhiam in cachimtu hna le sianginn rianṭuantu vialte hna zong hneksaknak tuah dih an si. Cun sianginn kulhchung cacawnnak innchung dormitories, canteens le offices hna zong zawtnak hrik a um khawh lonak ding in sii kah le zohkhenh an si tiah an chim chih. Ref: Hindustantimes