Admin||04 Vaupi 25-2020||Thihnak nih coronavirus hmang in vawlei ah a thla a zarh cuahmah lio a si. Cu chung ah hi zawtnak a tam biknak le hi zawtnak ruang ah a thimi an tam biknak ram 10 hna dirhmun kan zoh ṭi hna lai. Vawleicung ah US hi coronavirus in a zawmi le a thimi a tam bikmi ram an si peng ko rih. A sinain a zawmi le a thimi buaktlak (percentage) tuak ah cun Belgium hi a thimi an tam bik.

Johns Hopkins University hna nih data an khawmhning in a tu tiang ah US ramchung ah hi zawtnak ruang ah a thi cangmi hi minung 50,000 bak an tling cang ti a si. A liamcia suimilam 24 chung ah khan minung 3,000 renglo bak a thimi hi an i chap. US ramchung ah hi zawtnak a ngei cangmi hna hi minung 870,000 renglo bak a si cang tiah an chim chih.A tu tiang ah cun US hi vawleicung ah hi zawtnak a tam biknak le hi zawtnak ruang ah a thimi an tam biknak ram a si peng ko rih. A sinain ramchung ah a ummi milu tuak in cun US nak in Spain, Italy, France, Belgium le UK hna ah hin a thimi an tam deuh ngaingai. Georgia, Alaska le Oklahoma hna ah cun cacawn ningani ah khan hair salons, bowling alleys le a dangdang chawlehthalnak hmun cheukhat hna cu an hun ṭhan cang hna. Ref: BBC

Note: Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Reference/Credit/Source ṭha tein kan pek peng lai. Cucaah thawngpang kan ṭialmi kan palhnak a um cun theihter khawh peng kan si. Chinworldnewsevening page ah le J Van Duh Thar ah pehtlaih khawh peng kan si. Mipi sinah thawngpang thlazamh na duhmi um cun kan i thlahzamh khawh piak ko.