Chin khualipi Hakha ah atulio vawleipi nih abuaipimi zawtnak ṭihnung Covid-19 (Coronavirus) zawtnak chungin zeitindah kan i humhimning a si lai i, zeitindah kan i kilvenning a si lai timi Hakha pengkhat (district) thawngthanhnak le mipi pehtlaihnak zung le zung dangdang tibantuk i bawmh in ceihhmaiṭinak le theihternak an tuah.

 

Coronavirus kong ceihhmaiṭinak cu March 5, 2020 zinglei suimilam 10 ah Hakha pengkhat (district) thawngthanhnak le mipi pehtlaihnak zung le zung dangdang tibantuk i bawmh in Hakha sianginn hall ah an tuah tiah kan theih.

Coronavirus konghe pehtlaiin ” Dr. Thang Hnin Lian, Chin state ngandamnnak Zungin, Chin state Zung hruaitu bawmtu (Asistance Director )Daw Su Su Khaine Myat le Committe zohkhenhnakbu lutlai Daw Yin May Thwe hna nih thianghlim te in um ding, kut thiang te in i tawl ding ti bantuk a phunphun Coronavirus konghe cawnpiaknak an ngeih hna. Laknak: IPRD