CRC: Tihnung Zawtnak Corona Virus Timi Achuah Caah I Ralring Cio Hna Usih: Atu lio cu fawi tein chawnh khawhmi tihnung zawtnak vawlei cungah a chuah caah i ralring cio hna usih. A hlei in a tanglei langtermi hmunhma hna ahhin kal lo i zuam hna usih.

1. Airport-2. Shopping Malls-3. Resorts-4. Public places. Hi hna hi a si khawh ahcun a cunglei kan rak langhter cang mi bantukin a herhtuk mi hna dah asi ti lo ahcun kal rih loin hrial khawh i zuam cio hna usih. Ralrin tluk in a ttha mi thil a um lo caah a zulh le um cio zuam hna usih.

Relchih: Wuhan Coronavirus ruangah a thimi minung 100 leng an si cang. China ram Wuhan khuapi in a chuakmi Coronavirus cu vawleicung hmun tampi ah a phan cang i, hi zawtnak a tuartu minung 4300 leng an si cang i, a thimi zong minung 106 an si cang tiah theih asi. Atu kan van langh termi hi Channel News Asia nih tuzing ah a langh termi asi. The Hakha Post

 

Relchih: Department of Home Affairs nih tuah mi Multicultural Roundtable at Secretary a kai kho: Australia kan ram pi cu meikang ruangah Cozah he mipi he khua ci mui in kan um. Ram meikang caan hi February ah a si theo tawn. Rianrang tuk in ram meikanghnak kan ton mi nih Cozah pi zong fak tuk in a lau ter hna.

Acting Minister for Immigration, Citizenship and Multicultural Services, Hon Alan Tugde MP sawmnak in tawlrel mi biaruahnak a si. Meeting a rak kai kho mi hna cu: 1. Hon Alan Tugde MP Minister for Immigration, Citizenship and Multicultural Services. 2. Hon Jason Wood MP Minister for Multicultural Services 3. Rosa, Secretary of the Office of Prime Minister

ACC “EM” aiawh in meeting a kai mi kan Secretary zong Australia Chin miphun pi in kan ti khawh tawk tein kan cawlcanghnak le Relief caah Concert zong tuah kan i timh kong caan tlawm pal chimnak an pek ve caah a chim. Cun, meikang hartuar bomhnak hi National-Federal Cozah sin hna ah kal ter awk a tha maw? Tawlreltu Department le Agency hna an um maw? tiah Secretary nih meting kai mi vialte hmai ah biahalnak a tuah.

Minister nih fiang tein Cozah nih mah bantuk bomhnak a cohlang ding le photzamhnak Agency dirhmi kan ngei lo. Kan in pek mi hna information pawl khi an tling dih ko tiah fiang ngai in a leh. Multicultural Roundtable hi kum khat voikhat silo voihnih hi tuah theo a si. Mipeem chahnak bik-Sydney le Melbourne ah hin an tuah bik theo. Tutan biaruahnak ah hin Secretary of the Office of Prime Minister zong Prime Minister nih a rak thlah i meeting a rak kai ve.

Kan biaruahnak ah zei tin dah ruahnak na kan cheu lai? Tha deuh in zei tin dah timhtuahnak kan ngei khawh lai ti tiang in ruahnak i cheuhnak tiang an ngei kho hna. Mah biaruahnak ah hin Minister nih ai timh mi cu nan sin khawh tawk cio in zei tluk in nan cawlcangh ning cio a si ti theih duh hrim ah auh bik mi a si. Atanglei kan rak thil chih mi pawl khi tangka hlutnak le kalternak ding caah information direct in Department of Home Affairs nih a kan pek mi a si.

Australia ram cu kan inn le lo tiah auh kan duh ve ko ahcun kan si khawh tawk hrim in thazang chuah le pek caan a si. Fak piin zanghlei chuah chih kan hau rih. Note: Kan mah Chin miphun nak in a liam deuh mi miphun nih millions in funds a kawl kho mi pawl zong Cozah nih langhter mi charities ah khin an pek cio hna. Ref: Australia Chin Community – EM