Tuchun Coronavirus Update: US ah coronavirus in minung 22 an thi cang. Zawtnak hrik a ngeimi minung 554 an si. Washington State lawngah minung 19 an thi. State 34 ah zawtnak hrik an hmuh. Stock market a tla. Mah lio ah Saudi le Russia cu zinan man tthumh le tthumh lo ruangah an rak buai ve.

Rarin Ding: 1. Na kut thiang tein ttawl lengmang. Kut ttawl hi khamhnak tha bik a si. 2. Kan taksa kua chung in a lutmi si caah na hnar kua, na mit, le na hnakhaw tongh lo izuam. Rawl ei hrimhrim ah kut in ei lo ding. 3. Mi kut tlaih hrial khawh izuam. A herh lo ah mi tak tongh lo ding. 4.Shopping kal, puai kal iranril hau. Leng na chuah i na kir le cangka na kut chapiat in thiang tein ttawl lengmang ding A herh lo ahcun leng chuah lo ding a si lai. Na cawpit na hathio i, na tak a linh ahcun sibawi i piah colh ding. Coronavirus hi ttih tuk ding a si lo i, ngamh tuk ding zong a si lo. Iralrin poah a tha. Credit: Salai Lairamthang

Prophet pakhat nih Corona Virus kong a phuan mi hi relchih: Zawtnak ttihnung Coronavirus kongah Pathian mihman Prophet nih langhnak a hmuhmi.Bawipa PATHIAN nih aa tinhmi kha, asal phrofet hna theihter hmasa loin zeihmanh atuah bal lo.Amos 3:7.Hawi le hna, Atling lomi le atthawng lomi, zeitik hmanh ah profet ram le biaphuan tibantuk aruat lomi Keimah hi Pathian nih azaangfahnak ruangah amah ai awh in dir dingah profet dingin aka ti.

Sau deuh in ka vun ttial i, nan rak ka relpiak nak lai kan nawl hma sa hna.Atu caan hmanung bik/End times ah kan ram tthanghnak phungdang a chuak dingmi le atu coronavirus a um dingmi kong hi Pathian nih aka hmuhter i, thanhnak tuahnak hmun aka timi Whatsapp group pahnih 20 Prophets for Mizoram timi le kanmah chungkhar group ahcun ka post colh.

Hmaituam Mask le chungkhar harhmi zong a har lai i, aman zong afak lai i, nan duh ahcun i cawkcia dih tiah ka chim. Cun chiatnak fapi a chuak dingmi aka hmuhter ruangah mithi tah in lungrawk ngai in ka khan chungah cun ka tap.Hi bantuk in tuan deuh zongah voikhat ka rak um cang. Cucu ataktak in a rak cang taktak. Curuangah atu zong hi a hman hrimhrim ko lai tihi ka zumh. Asinain hi vialte hna hi Pathian sunparnak vawleipi ah alanghnak ding hriamnam a si.Vawleipi theih ah Mizoram ah hin A MIN khuaruahhar khuakhangtu, Atthawngmi Pathian,Zungzal a hmunmi, Deihnak Bawi, profet hna an um timi langhternak dingah hriamnam asi rih.Pathian nih hi zawtnak achuahternak aruang Bible in aka chimh dih.

Culawng siloin mizoram ah hi zawtnak achuahternak aruang zong fiangtein aka chimh dih.Atimi cu Pathian sin ah kan sualnak i ngaichih in kan kir tik ah hi zawtnak donghter dingin a profet hna nih Pathian sin ah remnak aa kan tuahpiak lai i cuticun hi zawtnak cu adonghter lai.Atu ahcun zawtnak um lo dingin thlacam le nawlnak zong santlaihnak angei lai lo.Sualnak hlawt taktak a um lo ahcun thanghnak taktak a um kho lo. Aliamcia kum 1995 Tleirawl ka si lio ah Shillong i, Lady Keane College Hostel ka um lio ah Pathian nih tthanghnak achuak dingmi a rak ka hmuhter i, thanhnak tuah dingin aka chimh. Nain ka ttih caah ka rak duh lo. Asinain Jermiah 1:4-10 hmangin a profet si dingah arak ka theihter. Cuticun Hostel Room vialte ah ttah bu in ka kal i, ka au.

Revival a tlung lai, Pathian sin ah kir dih uh ka rak ti, Arauh hlan zarhkhat hnu ah Revival fak piin a rak tlung, Hi revival ruangah Hostel tiangin an rak ka chuah. Cun kum 2001 ah Mizoram i Thlarau Thianghlim Hriakthih Harhna- Khawithluk timi arak um dingmi zong khah Arunachal Pradesh in ka rak tlun lio Bus chungah Pathian nih a ka hmuhter. Cuticun Penticos Sunday hngakchia he caan kan hman lio ah arak tlung taktak.Cuka in cun ram pum ah a vun karhnak kha a si.

Tutan ah thil a um dingmi zong hi Nikum in ka theihthiam lomi thil tampi hmangin Pathian nih a ka timhlamh cang, Tukum hramthok khan cun tthawng le khuaruahhar in ka sin ah Pathian a vun i langh i,Zeizong vialte kaltak in amah sin ah kal ding le profet Jeremiah auhnak hmangin Hostel ah aka chawnhnak, Profet auhnak caah i pee dingin aka ti i, cuthil caah athar in ka vun i pee tthan i,fiang taktak mi aw le khuaruahhar in theihternak hram a vun ka tuah tthan hi asi. Aka chimhmi vialte hna hi a caan le a Ni hna hi ka chinchiah dih peng i, thildang aka chimhmi zong ataktak in a tling peng. Curuangah atu ah hin Thlarau lei ah i timhlamh caan asi cang. Kan Bawipa Jesuh Khrih athisen thilti khawhnak in nangmah le na chungkhar kha humhim hna law Pathian duh lomi vialte hna cu kaltak cang.

Hna angeimi nih cun thei hna seh, Mitngei nih hmu hna seh, Arel khomi rel hna seh, Pathian Ni cu a nai cang, timhcia tein um ahau cang.Apennak ram cu ami hna chungah a vun dirter tthan lai i, vawlei cung vialte nih ahodah kan Pathian hi asi ti, an theih cang lai. Bawipa cu thangthat siko seh, Bawipa nih thluahchuahnak inpee hna seh.T.Lalhmachhuani @mimi. Faith Ministries, Mizoram. Credit:MWN