Congratulations!Ester Par Lainu Esther Nih Southeast High School In Cacawn Kum 2020 Ah Cathiam Bik In Sianginn A Kan Dih Piak

Chin News

Congratulations!!!! Ester Par. Valedictorian of Southeast High School 2020. Chin nu Ester Par cu a sianginn kai nak Southeast High School in cacawn kum 2020 ah cathiam bik in sianginn a dih. A sunglawi tuk hringhran. Laimi/Chinmi Mino chungin sianginn ṭha ah boih (degree) a kan laakpiakmi an tlawm ti lo an tam ngaingai cang.

Image may contain: 1 person, text

Tutan zongah kan naunu Esther Par nih Valedictorian Of Southeest High School in cacaw kum 2020 cathiam bikin sianginn a kan dihpiak ṭhanmi kan hmuh tikah upatnak kan pek i kan lawmhpi tuk hringhran. Miphun minṭhattertu le hmaihngaltertu taktak a si. Ahmalei lamtluan ah Pathian nih lam hruai zungzal ko seh! Dedgree an laklio Video zoh khawh a si. VIDEO timi rak hmehpiak law a um lai.

Thawngpang dang rak rel chih:Covid-19 In US Ah Minung Zeizat An Thi Kho? US ah ummi university hna le vawleicung minthang university pawl, ngamdamnak riantuantu hna, institute of technology phu 12 renglo hna nih covid-19 zawtnak in US ah minung zeizet dah kan thi kho tiah an ruahdamh mi pawl May 14 ah an chuah. Mah an chuahmi chung in Center of Disease Control [CDC ] nih tha tein an zohfel hnu ah CDC nih an ruahdamh mi an chuah ve.

Mah forecast a tuahtu hna cu, Columbia University, Georgia Institute of Technology, Imperial College, Institute of Health Metrics and Evaluation, Los Alamos National Laboratory, Massachusetts Institute of Technology, Northeastern University, Notre Dame University, University of California, Los Angeles, University of Chicago, University of Geneva / Swiss Data Science Center, University of Massachusetts, Amherst, University of Texas, Austin le Youyang Gu (COVID-19 Projections) an si.

CDC nih a cunglei pawl nih model an chuhapi mi chung in forecast an tuah chinmi ah June thla 1 tiangah khin tingkhat renglo kan thi kho tiah an ruah. August thla dih tiang ah khin minung 130000 tiang cu kan thi kho an ti. Asinain social distancing le zeitluk in zulh phung kan zulh timi chungah tampi a hngat te lai an ti. Credit: Salai Lairamthang

Leave a Reply