Congratulations, Run Hup (Dwe Hup)! ICBM Scholarship a hmu i Hakha ah Tanghra a awngmi Run Hup (Dwe Hup) cu Kalay University zong ah pehzulh in ICBM scholarship pek a si. Pathian lamhruainak thawngin 2020 January thla chungah B.Sc. (Maths) degree a lak khawh caah Pathian min thiang kan thangthat i a cung zong ah kan i lawm. ICBM scholarship a hmumi college siangngakchia hna lakah a hmasa bik degree a hmutu a si. Gangaw peng Mauk khua ah a ummi a si. Bawipa nih hmailei a lamthluan ah thluachuahnak he lam hruai chin ko seh!

ICBM riantuannak chungah college siangngakchia scholarship hi Khrihfabu, Nubu, Mino, Church School, pumpak chungkhar ti in a petu (a bawmtu) tete an um hna. Run Hup (Dwe Hup) hi CBCUSA GS hlun a simi Rev. Dr. C. Duh Kam chungkhar nih an i zohmi (scholarship pekmi) a si. Kum 4 chung a zohkhenhtu Rev. Dr. C. Duh Kam chungkhar cungah lunglawmhnak tampi kan ngei. Bawipa nih an chungkhar thluachuahnak pe chin ko hna seh!

Nihin (Feb. 3, 2020) cu Pathian lamhruainak thawngin HCMF nih sianginn saknak nawl peknak hmun ah hmunchunh rian domhnak caah Pathian sin thlacamnak kan ngei kho. ICBM Hakha Building Committee chungtel kan pale le sianginn sak dingin rian pekmi (contract pekmi) Rung Family Construction Company Ltd. i tuanvo ngeitu hna an i tel kho.

HBA GS (HCMF Chairman zong a simi) Rev. Joel Nawl Cung Lian nih rian thawknak caah thla a cam. Kan pale dihlak cungah kan i lawm tuk. Bawipa nih thluachuahnak pe chin ko hna seh! Rung Family Construction Co., Ltd. cung zong ah kan i lawm. An lim tiang tluang tein an tuan khawh nakhnga Bawipa nih lamhruai hna sehlaw, thluachuahnak pe chin ko hna seh! Credit: ICBM