Lunglawmhnak thawng- Lai nungak Olivia Yin Hua Thawng Luai nih Seoul National University in Master in Global Sports Management tlamtling tein a kan dih piak tiah thawng kan theih. A sunglawi tuk hringhran. Lawmhpi cio hna usih!

Pu John Thawng Luai Mang le Pi (Sayama) Emily Mang Hlei Ṭial hna i an fanu nungak Olivia Yin Hua Thawng Luai nih 2020 December 18 ah Seoul National University in Master in Global Sports Management tluang tein a kan dih piak. Chinmi Pathian nih a kan cawisan ti a fiang taktak.

Thesis ah a ṭialmi an rak langhter chih i an langhterning tein kan rak taar chin. A ṭialmi cu,“The Beliefs of Participation in Physical Activity in Myanmar: An Elicitation Study Amongst Officials, Employees and Publics in Naypyidaw,” ti a si. Chirhchan: Zalen

Thawngpang dag rak rel chih-Zahan zantim ah Congress nih cozah budget ni hnih ca an thlak hnu ah President Donald Trump nih min a thut i government shutdown timi federal cozah zung kharnak in luat a si. Zarhpi ni sunday ca tiang lawng budget an pek chung caah tuchun le thaizing ah ngol loin meting an ngei rih lai. An meting ah coronavirus bawmhnak $900 billion le cozah budget aa tel chih.

Coronavirus relief bill an chuahpi mi hi $ 900 billion a si. Mah chungah Stimulus check $600 bawmh dingmi le rian ngei lomi unemployment benefit caah zarkhat $300 pek dingmi a tel chih. Zarhpi i lungtlinnak an tuah khawh ahcun Stimulus Check $600 pek dingmi zong a tel chih lai ti a si.

Oxford University Nih Virus Khamnak Sii An Serchuah. Oxford University nih Covid-19 ikhamhnak sii, vaccine thar an serchuah i, Christmas dih ah UK Medicines and Healthcare Regulatory Agency (MHRA) nih hman dingah a cohlan lai i, Januarty thla thawk in an i chun colh lai tiah telegraph nih tuzing ah thawngthanhnak a tuah. England cozah cu Pfizer nih an serchuahmi zong hman colh dingah a cohlang hmasa bikmi ram an si. Salai Lairamthang

Note: Kan in lawmhpi tuk tinak ah SHARE in thazaang pe cio hna usih!

Admin hmurka: Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Mipi sinah adikmi thawngpang zamh hi kan i hmuitinhmi a si. Cun, thawngpang kan ṭialmi hi areltu mipi caah ṭhathnem santlaih, theihtleih ṭha siseh ti hi kan i hmuitin bikmi a si. Asinain, minung kan ti cu tlamtlinlonak tete zong a kho mi a si caah thawngpang kan ṭialmi kan palhnak a um cun theihter khawh peng kan si.

Mipi sinah thawngpang thlazamh piak na duh si cun zeitik caan paoh kan i thlahzamh piak khawh zungzal hna. Kan thawngpang ṭialmi kongah, pehtlaih a duhmi nih Salai J Vanduhthar Lahnin ah pehtlaih khawh peng kan si. Na relmi thawngpang hna hi midang nih an rel khawh ve nak hnga aṭha tiah na ruahmi a um ahcun share in rak kan bawm ve. Kan ca a kan rel piaktu nan dihlak cungah kan ilawm. Upatnak he Admin