Kan naunau Myanmar Idol Season 4 Winner Esther Dawt Chin Sung nih Yangon University Ah Sipuaizi (Business) Major in Degree a ka lakpiak (graduate) tiah theih a si. Lawmhpi cio hna usih! Mino te a si ko nain atubantuk Degree hna a lak piakmi kan Chinmi chungin kan ummi hi asunglawi tuk hringhran. Kan naunu Esther hi soisel thangchiatnak tongko hmanh sehlaw a miphun nih kan dirpi peng ding asi.

Ngakchiate, Mino te a si ko nain Kawl media nih biahalnak an tuahnak amah soisel a tonnak le pasal a ngei timi hna, hringtu a pa le a pu he an i duh tibantuk tiangin soisel le thangchiat a tong cuahmah lioah kan nau kan far a simi Esther Dawt Chin Sung nih cu bantuk harsatnak le soisel thangchiatnak vialte cu Pathian sinah ka ap dih tiah a chim diam ko ai.

Mi tampi nih cun zeitindah a leh te hna lai tiin an zoh, an cuanh lioah  kan fa kan naunau Esther Dawt Chin Sung tu nih hibantuk dirhmun tiang a phaktertu a biakmi Pathian Cung Nung Bik Pathian sinah ka ap a timi nih mipi lungthin a tongh ngaingai. Tutan ah atu bantukin Degree a kan lakpiak tthan tikah kna lawmhpi tuk ve.

Hi hnu hmailei a kal hlannak ah Pathian nih lam hruai chin ko seh! Zumtumi hna nih thlacamnak in bawm rih hna usih! Kan miphun cawisangtu le mintthattertu a si timi hi philh hrimhrim hna hlah usih. ramchung ramleng ah hlasaknak in caan a va tikah maw Concert i caan a hmannak zongah mualpho lo tein tlamtling tein le tluang tein ahmangmi a si khawhnak lai thlacamnak in bawm rih hna usih. Congratulations Esther Dawt Chin Sung