Zeiruang ah dah CNLD thimfung pek a herh? CNLD nih cun tlangcung mi kan miphun sinak kan khuaram le kan zatlang he ai tlak bik mi hmual a ngei mi sianginn cacawn ning sersiam ai hmaithlak. Cucu sianginn tampi sak tehna men si lo in miphun kip nih nuhrin holh in cacawn hramdomhnak (mother tongue-based multilingual education system) Laica he Kawl ca he Mirang ca he kan thiam nakding miphun tampi an i cawhnak vawleicung ram kip zong ah an hman cio mi fimcawnnak lamsial a si.

UN pi nih khua le ram nunphung zatlang tthanchonak he kep in sersiam ding a ti mi fimcawnnak ai chirchan fawn. Khuaruah le theihhngalh kauhnak pin ah mino riancawnnak le rian an hmuhnak zong telhcia sianginn kai ding ser a si. Fimcawnnak le fimthiamnak cu kan i sersiamnak kan hrampi a si bang sianginn thar sak le sawk men in kan caan kan tangka kan dihter ding a si ti lo. Cacawn ning òha siangcachim ttha fimcawnnak phungphai ttha tu kan hmuitinh an si zungzal awk a si.

Relchih>>>>>>Kan zatlang ah kan chiat kan tthat ai hrawm zungzaltu Pi Chinchin Pekthang: Yangon ah rian a ttuannak zung a um nain Laitlang le Yangon hi innhmai le innhnu bantuk in a hlat i, rian kong ah siseh, naite ah a kan liamtak mi a pa le innchungkhar kong ah siseh, thil dangdang kong ah siseh, Lairam kulh chung a umkal zungzal mi a si. Yangon laitlai unau chiat ni tthat ni zong ah ai tel lonak a um lo. Abikin Rual-u ah siseh, Khrihfabu ah siseh, mino bu ah siseh, nubu ah siseh, a ti khawh tawk ai pe zungzaltu a si. Hi ah hin pakhatte chim ding a um.

Voi khat zanlei cu Singapore in a thinlung a dam ti lo mi sin-um a ttuan mi Lai nute pakhat Yangon ah an hun kuat. Vanlawng bual a phak tik ah a chungle an chawn kho ti hna lo i, Pi Chinchin an hei chawnh. Pi Chinchin nih kan naunute cu a va laak i a inn ah a bultawl.

A thaizing Kalaymyo a um mi a nu le a pa a chawnh khawh hna in inn a phanh tiang a tawlrel. Hi bantuk mi theih lo in thil tampi Pi Chinchin nih a tuah i chung a ttuan mi hi an um liangluang ko. #ChinchinPekthang Campaign phu: Ref: ChinChin PekThang