Khah Vei Aw Kan Bia Hi Tawi Koseh Mu!! Chin party (CNLD nih teinak a hmuhlo mi kongah a lung a faakmi Chin mi tampi uar nan umtuk. Bawipa nih caantha a kan serpiak ve te ko lai ti kha zumhnak he lungthin thadam tein rak hngak cio ko uh. Pathian nih zeitin khua a khan ti hi minung nih theihthiam a hartrawn. Pathian nih cun a duh mi kha a kaiter khawh hna i a duhlo mi kha a thumh ko hna ti thei ko usih.

Tukum Rampi thimnak ah Chinram in CNLD nih teinak a hmuh lo mi kongah Chin (Lai)ai ti ko nain diriam ngai in CNLD a ti mi hna pawl khi hlat cio hmanh han uh. Tangka in an peek mi hna an si lohmanhah an mah ah beiseinak/ruahchannak a ngei mi le Chin diktak a si lo mi le an mah thawngin a ei a ding mi le a cawl a caang mi an si hrimhrim lai. Chin mi diktak a si mi nih cun CNLD party i an um lo hmanh ah bia chia holh chia le CNLD diriamhnak ca an ttial lai lo i an chim hrimhrim lai lo tikha fiang ko hna usilaw CNLD nih teinak a hmuh rihlo mi cu kan miphun sunghnak a si ti mi le Pathian timh mi a si titheih kha a tha bik. CNLD nih teinak kha hei hmusual usilaw, Phawrhlawtnak nganpi,a mah Pathian philh duhnak thinlung tiang khin a chuak kho mi a si.

Cucaah mah cucu Pathian nih a hmuh dih mi a si i,intuar khawhnak le rianttuan thiam chinnak dingah nun tampi ngeih chinnak ding he mahbantuk in CNLD pawl nan um rihnak hi a si ko caah lungfaak in um hlah usih. MP ahcun kan sung,nain Chin miphun hna thinlung ah thlaici nan tuh mi a keu cang i a theipar zuun caan kan phan te lai. Zeibantuk thlaici hmanh atu tuh i a theipar ei cawlh, zuun cawlh mi an um lo ti kha kan ifian a hau. Atu cu mah thlaici cu nan thu cang i a keo cang, a theipar zuncaan lawng nih a kan hngah cang tikha thei ko hna usih tiah kan sawm hna. Kailawm. Tin Duh Thang