Tutan ah, CNLD cawlcangh cu zoh a dawh taktak. Atu naite ah Chin National League for Democracy – Hakha-Thantlang page nih Miphun covo laak ṭhan dingah,“Funtom Caan A Cu Cang”,timi hla dawh taktak a von thlah.

Hlaphuahtu hi Laimi hlaphuah thiam kan ingeihmi Pu Herh Lian a si. Hlasatu hna hi awṭha minthang lawngte an si hna. A hlabia a ṭha i ngaih a nuam kho taktak. Atangah leiah a hla kan rak chiah i ngaih khawh a si. CNLD party a ṭanhmi nih cun Share khawh zong a si.

National League for Democracy – Hakha-Thantlang page nih htitihin an taar,“Lunglawmhnak: Hi hla chuahkhawhnak dingah a lamkip in thazaang a chuahtu hna nan dihlak cungah lunglawmhnak tampi kan ngei. Zaanghlei nan cawinak cungah upatnak kan in pek fawn hna. Miphun le ram caah nan pahrang cio nan i hmannak cungah Bawipa nih thlua in chuah ko hna seh. Chin Miphun vialte i funtom cang hna usih!,” tiah anmah Page ah lunglawmhnak an langhter.