CNLD lutlai pawl sin bia halnak “Laimi paoh theih ding”

1. A zei ruang ko ah dah Hakha ah Head Quarter nan ser duh lo? USDP le NLD zong nih zei cukha ti um lo tein an ser ko țung. 2. Hakha ah Head Office kan chiah ahcun pengdang nih vote an kan pe sual lai lo ti maw nan phan? A ho dah a phang. Falam peng maw zei peng dah? 3. Hakha ah Head Office hmanh a chia duh lomi nan si ahcun HK le TT nih hin vote an kan pek lai tiah maw nan ruah ve?

4. HK le TT mi nan lutlai ah an i tel lomi kong ah kan buai lem lo hih. Aa tlakmi paoh kha lutlai cu si ko u nain HK,TT CNLD upa pawl hal kan duh ve hna, Hakha ah head office sak ding tal in nan hawi le Zozam,Nothankap,Ngaisak pawl hi nan chim kho hna lo maw? Cu hmanh nan ti khawh lo ah Vote pek cu nan tlak lai maw eih…

5. Kawl party hi NLD,USDP an si ah vote pek kan duh tuk lo nain an nih cu thil kal ning tein Hakha Head Quarter an ngei dih. Capital a si bantukin Papek tein rian an țuan. Lian Luai hmanh hi Falam a si nain Hakha caah faktuk in rian a țuan ruangah Mindat hnahchauk pawl nih an huat phah. Biapeh ah Pu Lian Luai cu Hlawnceu phun kan tu zong a si ti a si.

6. Nan lungput hi ka dothlat tikah Hakha caah thilthar chuahpi cu chim lo a um cia hmanh zei tin dik tuah te ding nan lo. NLD nih cun College,University le adang dang vialte kha Capital a si bantukin an chiah. CNLD nan lungput zoh tikah hin Hakha Capital a sinak zong hi thei loin adang khuapi pakhat men sawh ah ruat in Hakha ah GIT um cang cun College cu Falam,Matu, tbk..ah phawt zamh a tim ding nan lo. Hakha Capital a sinak hoih in a kal cuahmah ko mi NLD le USDP hmanh um ko ahcun Lai party an si ai pat tiah vote pek nan har ko lai.

USDP le NLD nih hin a term khat nak le term hnihnak rak tei loin CNLD hi a tir tein rak um seh law teinak rak hmu seh law, A tu i Hlutdaw zung hmanh hi Peng dang dang ah a sa ding nih an tu nan zia hin cun an dawh hna. University, College, ti pawl vialte le bang cu savo phawt in nan rak i phaw dih lai. A tu ah Hakha ah Hotel Paruk sak ding timi zong hi Savo phawt in nan phawt dih lai. Atu nan zia ning in ka chimmi a si.

Hakha ah Head Office ong duh u law cu hi nan zia pawl cu a lang tuk lai lo. Nan on duh hrim lomi le kan on te ko lai ti zong ah bia fiangfai deuh nan chim duh lo mi nih hin nan zia a ceu ter. Shan,Arakan,Kachin,Karen,Kaya,Mon le kawl le a dang vialte nan hmuh dih ko hna teh. Nan mit maw nan i chinh. A ho tlangcungmi dah Rangoon ah Head Office chia? Hawi nan lawh lomi tal hi nan ning zak lo maw?. Hakha khuapi nan ngiar maw a si. Nan nautat maw a si. Ka fianh uh…cu lo cun Lai ka țanh ai pat tiah Hakha a sersiam lo ding party cu kan țanh bal hna lai lo.

Credit: Mang Lian