By. Salai Unity Ham: Chim le relhmanh hautuk ti na lo in. Dothlatnak; #CNLD nih Hakha -Thantlang ah #NLD A Tei. The Hornbill Foundation phu nih dothlatnak a tuah mi ah Hakha ah thimfung thla tu zatuak 62% nih CNLD thimfung kan thlak lai an ti i Thantlang ah zatuak 67% nih CNLD thimfung kan thlak lai tiah an chim.

Hakha ah minung 300 le Thantlang ah minung 300 veve biahalnak an ngei hna hnu in atu bantuk a phichuak an hmuh hi a si. “Hakha ah Pyidawtha- Khuathar- Cawbuk le Dawrthar- cun thimfung hmunhma No. 1 ah khua 6 le thimfung no. 2 ah khua 6 ve ve in an tuah hi a si. “Biahalnak kan tuah tik hna ah inn (10) dan in minung kan thim hna. Cun nu, mino le upa aa buaktlak in kan thim hna,” tiah tuanvo ngei tu Salai Joseph nih a chim.

Dothlatnak an hmuh chuah mi ah kum 60 in a cunglei zatuak ah 58% cu NLD an si i 38% lawng nih CNLD le a dang Party kan thlak lai an ti i a dang 4 % nih Party dang tiah an chim. Kum 35 in kum 60 kar chung in zatuak 62% nih CNLD ka tlak lai tiah an ti i 38% nih NLD le a dang kan thlak lai tiah an chim.

Kum 18 in kum 35 kar chung ah zatuak 84% nih CNLD kan thlak lai tiah an ti i 26% nih NLD kan thlak lai tiah an chim. Hakha ah biahalnak tuah mi 98.8% nih tutan thimnak ah thimfung kan tlak lai tiah an ti. A dang 1.2% cu Pastor ka si caah le kaa fiang lo tiah a ti tu an si.

Thantlang zong khuapi chung ah le thimfung hmunhma no. 1 ah khua 9 le thimfung no. 2 ah khua kua tiin minung 30 biahalnak an tuah mi chung ah zatuak 67% nih CNLD kan thlak lai an ti hi a si. “Thantlang zong Hakha bantuk in Biahalnak kan tuah tik hna ah inn (10) dan in minung kan thim hna. Cun nu, mino le upa zong aa buaktlak kan tuah thiamthiam hna,” tiah tuanvo ngei tu Salai Joseph nih a chim.

Thantlang ah kum 60 in a cunglei zatuak ah 53% cu NLD an si i 47% lawng nih CNLD le adang Party kan thlak lai an ti i a dang 4 % nih Party dang tiah an chim. Kum 35 in kum 60 kar chung in zatuak 65% nih CNLD ka tlak lai tiah an ti i 35% nih NLD le Party dang kan thlak lai tiah an chim. Kum 18 in kum 35 kar chung ah zatuak 87% nih CNLD kan thlak lai tiah an ti i 23% nih NLD Party kan thlak lai tiah an chim. Thantlang ah thimfung a thla kho ding minung 300 an tuah mi cung ah zatuak 100% ning in tutan thimfung tlaknak ah mee kan pek dih lai tiah an ti.

Cun Hornbill Foundation thiamthiam nih Hakha thar, Khuathar le Cawbuk ah vawlei hmunhma kong le inn laisen kong dothlatnak an tuah mi ah Hakhathar ah 99%, Khuathar ah 70% le cawbuk ah 45% tluk hi cozah nih nihin tiang inn laisen tling a chuahpiak hna lo tiah an hmuh chuah.