CNLD Chairman a simi Pu David Ngai Sak nih Daw Aung San Suu Kyi a soiselnak cu kawl media nih hitihin alanghter. Daw Aung San Suu Kyi tlangcungmi hna sinah atu le tu a tlawn hi zeidang ruangah a si loin 2020 thimnak a nai cang caah NLD Party caah tlangcungmi hna sinah Vote a kawl hi a si tiah a langhter.

Pu David Ngai Sak nih a chim rihmi cu”Tlangcung Party kip nih an timi cu, Pi Su nih Tlangcung mi hna sin ah a tu le tu a ra I khual a rak tlawng mi cu 2020 kum caah Vote kawl nak asi. Lungtak in Tlangcung mi an kan daw caah le Kan hal pengmi federal pek ding ah asilo. Federal Democracy caah Policy le Phungphai /Dundan/Mumal suai ding ah asi lo. February thla chung bak ah Panglong – Shan ram, Thantlang, Tonzang le Karen ramkulh hna hna ah tlawn in vote an kawl thluahmah” tiah a chim.

U Ann Kawl, Kachin Party, Hotu nih Daw Aung San Suu Kyi konghe pehtlaiin a chim vemi cu “Tamada le Aung San Suu Kyi nih Tlangcung miphun hna sinah atu le tu ti awk in an tlawn hna. An biachimh mi cu zei pipa si lem lo. Vote duh ruang men lawng ah asi. USDP nih thim lai ah khual an tlawn i mee an kawl bantuk cio kha asi ve ko” tiah a chim ve.

Media nih U Zaw Htay an halmi le lehnak a tuahmi “Thim lai ah cozah phaisa hmang in sizungzi tuah cu Commission upadi he aa kalh tiah an ti. Thimh nak commission chiarman cu Tamada nih Anna in thimh mi asi. Pi Ci le Tamada nih cozah phaisa hmang in Mipi sin ah vote kawl bia an chimh. NLD policy ah aum ṭung lo mi Federal hna an chimh hnawh hna. Cutik ah pek ding le Upadi ah remh ding timi Biakam nak zong aum fawm lo. Commission nih dantat le thloh ding asi nain dai tein an um mi hi Rule Of Law timi Upadi cung ah Ahohmanh umlo ding timi kha na buar Pi Ci, Tamada le Commission Chiarman nih. Party dang caah a ṭaza (Justice and Transparency) bak lo mi asi. 2020 thimh nak cu zalon tein le a tlukruan mi thimh nak asi khawh ti lai lo. NLD thiltuah mi hi a ṭhat lo tuk lawm mam caah” tiah lehnak a tuah hna. Saya Rung Kaw