CNLD CEC Bahu Nih Pu Lal Maung Cung Members Sinak In An Chuah Mi Cu Phungning Lo A Sinak Pathum 3

Hmuhning

CNLD Party ah Thantlang ah Chairman a simi Pu Lal Maung Cung cu Bahu nih members sinak in an chuahmi cu Phungning lo a si. Hruaitu hna nih nawlngeihnak sawhsawh le pumpak i huatnak in chuahmi a si. Thantlang Peng CNLD party a dirhtu a si lawng si loin Pyine No 1 in Candidate ca ah thimmi a si fawn. Thantlang Peng CNLD dirhtu le Candidate ca ah Party EC nih thimmi a si ko buin an chuahmi cu phungning lo a si. Phungning lo a sinak;

1. Party/Phu a dirhtu le a dirhnk hmun pakhat a si komi ah Members sinak in chuah phung a si lo. A riantlaihmi Chairman in thlak i members sawhsawh ah ṭhumh khawh a si. Asinain amah dirhmi Party le a dirhmi party hmunhma ah an chuahmi pumpak i huatnak le rem lonak nawlngeihnak duh ruangah a si ti khawh a si.

2. Pyine No 1 ah Party EC nih an fehter mi Bahu nih an fehter lo hmanh ah Members bakin an chuahmi cu Thantlang Peng CNLD Party EC khuakhannak zei an rel lo le nawlngeihnak pakhat hmanh an ngeihter duh hna lo ruang ah a si. Cucaah Party EC nawlngeihnak an hrawh tiah tikhawh an si ko lo maw? ti awk khi a si. Party EC um cu zeidah santlaihnak a ngeih hnga?

3. CNLD Bahu in Memny sinak an chuahmi hi Thantlang CNLD party EC nih hnatlakpinak zeihmanh um loin an chuah. Cucu anmah le an hmunhma le an dir an dirhnak hmun koko ah nawlngeihnak lianpi hmang in an chuahmi cu Thantlang Peng CNLD Members vialte zeirel lo le upat lo a si. Mipi telpinak um lomi Party le Peng kip Party EC theihpinak um loin a cawlcangmi Party cu Miphun party ti awk a si lo. Lutlai hna Party ti awk khi a si hlah maw tiah ka ruah.

Hi vialte hi thil kalning a si lo hlah maw tiah ka ruahmi a si. A si hrimhrim, nan palh hrimhrim tinak a um lo. Thilkalning si loin thilkal loning tu a si ruah tiah ka ruahmi a si.

Note: Min langhter lomi pakhat nih amah hmuhning le ruahnak (Opinion) a ṭialmi a si.

Leave a Reply