By Andrew Tum Tling: CNLD an sunghnak a ruang pakhat ah ai tel ve tiin ka ruah pakhat. A ruang tampi a um lai nain pakhat te lawng ka hmuh ning ka langhter lai. CNLD tanhtu ramleng um mino tete catial- comment that lo ruang ah ai tel. CNLD lawng miphun daw bik ah i ruah. A fim bik le politics thei bik ah i ruah an hmang. Hihi kan tlang kan khua cio ah a si ko cuh. Social group tampi ah kan si.

Ramleng nih le vote khat hmang kan thla kho tung lo le Lai lei um nih “ramleng cu maw nan fim le nan thei bik ram cu nan daw bik” ti phun in a tha tuk komi Chinchin Pekthang le Salai Van Bawi Lian zong an sunghter dih hna. Cattialtu: By Andrew Tum Tling

Relchih: Tutan thimnak ah khan kan tei lai 100% ka rak zumhmi a si. Nain Sayama Ni Sui Lian khi tender bawhtu company hna nih phaisa thazaang in an bawmh kho tuk. A sung cang tiah kan rak ruah ko nain mee thlak lai ni 2 ah Mara tlang khua kip ting 50 cio in a cheh hna. Khua dang zong ah phaisa a cheh len lai.

Pumpak in phaisa an pek hna i mee an cawk timi zong ka theih. Phaisa an pek lio belte cu hmuh khawh si ve lo. Nain phaisa in cawkmi teinak timi cu fiang tein chim khawh a si. Phaisa in cawk khawhmi dirhmun ah Chinmi kan um rihmi cung ah ka lungtha lo. Tazacuai ka timh tinak cu a si lo mu. Kei cu Yangon ka inn ah lung dai tein ka va um rih lai hih. Salai Lungthli Tum