CNF nih kan Policy he aa khatmi Party ah vote pe u|Rawn Chin Post Weeklynewspaper| “CNF nih CNLD ah vote nan thlak lo ahcun a si kho lo tiah khuate khuabawi zeimawzat an timi hna timi kong hi lih bia a si. CNF nih an kan timi cu, kan policy he aa khatmi Party ah vote pe u an kan ti” tiah Tlanglo khuabawi B. Ral Lian Tawn nih a chim.

CNF nih khuate zeimawzat khuabawi hna cu Camp Victoria ah meeting an kawh hna i, CNLD ah vote uh an ti hna timi Facebook an postmi kong ah Tlanglo khuabawi nih “CNF nih khuate khuabawi zeimawzat hna cu Camp Voctoria ah meeting an kan kawh i, keimah pumpak zong kaa tel ve. An chimmi cu 2020 rampi thimnak ah CNF policy he aa khatmi Party cu vote kan pek piak u an kan ti. Zei party theng vote pek ding timi an chim lo” tiah a chim.

“Cun Chinchin PekThang zong hi Party candidate a si hnu pohpoh CNF Camp Victoria a phan bal lo. Cucaah Chinchin Pekthang CNF Camp a phan i, CNF nih CNLD vote pe dih u an ti, timi kha lih bia a si. Cucaah chim ka duhmi cu Party soileemnak kan tuah tik zong ahhin thil dik lo mi le bia fiang lomi hi vun thlah hlah ulaw a t`ha. Bia fiang theih nan duh ahcun a theimi hal hna uh” tiah CNF Camp he aa naihte mi Tlanglo khuabawi B. Ral Lian Tawn nih Rawn Chin Post ah a chim chap. Source: Rawn Chin Post