CNF Daniel Sakhong Caṭialmi Ka Rel Cu Ka Hnak A Ka Doh Taktak CNF Hi Rak Umhlahseh Law USA, Europe, Australia Hi Kan Phan Kho Lai Lo

Chin News

CNF Daniel Sakhong Caṭialmi Ka Rel Cu Ka Hnak A Ka Doh Taktak CNF Hi Rak Umhlahseh Law USA, Europe, Australia Hi Kan Phan Kho Lai Lo

No photo description available.

FB hawile hna, CNF nih 1988 in dohthlennak a thawk le cang ka in Chinram cu Burma ram i Arannak hmun-Aphy-Yawng-Naymay tiah rak ti mi kha Asennak hmun-Anyi-Yawng-Naymay tiah vun uah cawlh a si. Ral umlonak hmun-Arannak cu Ralram-Asennak ah aa cang.

Kan Chinram ralthawknak ram, a buainak hmun a si caah Chin miphun vialte nih fawite in Refugee kan lak, Asylum kan hmu. Vawlei cung ramttha kan phan. CNF umhlah sehlaw mi tampi caah cun Refugee kansawk maw, asylum kan hal maw chim awk kan ngei lai lo. CNF hi rak umhlahseh law USA, Europe, Australia ti pawl hi a phanh cu chim lo khawika dah a um ti hmanh zaa ran nih kan thei lai lo.

Image may contain: 3 people, outdoor

Hihi Pathian khuakhan a si i, Chin miphun thlachuah hmuhnak ah Pathian nih CNF hi a hman. Chin miphun tampi ramttha kan phanh caah, Kan miphun rumnak leiin, thiamnak leiin, a kaa kip in kan tthancho . Cu lawng siloin, CNF ca hrimhrim ah a tthawn chin chin nak lampi ah mah mipi hi kan rak cang. Khrihfabu in UCCF ah kan bawmh, Pumpak in Chinland Club ah kan bawmh hna lawng si loin, a khua in izohkhenhnak kan tuah cio i phaisa tampi cio kan ngei. Cu phaisa cun khua cheukhat nih UCCF ah mission rian an ttuan.

Image may contain: 3 people, people smiling, sky, outdoor and nature

Hakha Farrawn, Tlangkhua, Zokhua unau pawl hi a hlei in upat-zohchunhawk tlak an si. Kum fatin CNF/UCCF a kan bawm peng mi khua pawl an si. Zokhua Unau pawl nih Kumkhat ah $3,900 (Chk ah $4,000 aa ti nain $100 hi cu a dang ca asi) in kum (4) chung an kan bawmh hi a tlawm lo, a tam ko. Chin miphun kan pa Rev.Dr. Stephen Hre Kio le CNF Chairman Pu Zing Cung khua ciammam an si nak an langh ter. Pathian nih an lung thin ah a hlei in khua a khan. Zokhua Hrin unau pawl kan ni lawm tuk hring hran.

Image may contain: 1 person, smiling

U le nau hna, Zokhua, Tlangkhua, le Hakha farrawn bantuk in kan khua cio izohkhenhnak, pumhnak, fellowship phun phun kan ngei hna i phaisa tampi cio kan khawn. Zokhua nih kumkhat ah $3,900 an pek zat hi kan ni timh tak tak ah cun a pe kho ding kan tam pi ko. Kan ruah rih lo bia tu a si i kan mah cio zong i tim ve cang hna uh sih.

Image may contain: 5 people

Hi kan phaisa ngeih mi pawl hi Pathian nih CNF a hman i, Chin miphunkan sii ruang te ah ramttha kan phan i, rian kan ttuan khawh i kan hmuh mi lawngte an si. Pathian thangtthat sunpar ter nak ah hmang hna uh sih. Misiion rianttha ttuannak ah hmanghna uh sih. CNF family zohkhenhnak caah rak dirh mi UCCF mission hmunah Zokhua, Tlangkhua, Hakha Farrawn bantuk in rak kan tel pi ve uh. Kan Chin miphun vialte upatnak he UCCF/CNF nih kan nin sawm hna.

Nan hawi,
Daniel Sakhong

Leave a Reply