CNF Caah Kutka Kaupi Aa Awng Cang! Thawngpang Ṭha Taktak Asi Ko Hih

CNF Caah Kutka Kaupi Aa Awng Cang!
———————————————

Miphun hawi hna,
CNF General Secretary Pu Thla Hei le ED Director Pu Ngun Tling sin in CNF le kan miphun dawtu vialte caah nihin zong thawngttha vun theih rih a si. Texas Ramkulh Houston khua le Austin khua ah a um mi kan miphun pawl nih $35,000 CNF bawmhnak an pek rih ti mi thawngttha tuk kan vun theih rih. Kan hnuzarh chung ah Texas ramkulh in kan miphun nih CNF bawmhnak an pek mihi $115,000 nak tam a si cang. Kan ni lawm tuk hringhran.Mah hman hi kan miphun nih hlanchan i Rome khua bantuk ah ruah mi Dallas khua ah a um mi kan unau pawl sin an phan rih lo. Tutan bantuk hin vawlei cung ramttha ah rrianttuan tu kan miphun vialte biatak tein kan ram caah kan ttan tti, kan ttuan tti tak tak ah cun CNF a rian ttuannak ah dawnkhantu ngan bik a si mi phaisa chambaunak hi lawnh khawh tluahmah a si cang lai.

Zahan Israel Prime Minnister Benjamin Netanyahu bia a chim mi ka ngaih. Ram pakhat, miphun pakhat tthate in vun dir ve khawhnak, mahduh mi zalawnnak tthate in vun hmuh khawh ve nak ding ah cun ralkap tthawng, hriamnam ttha kan ni ngeih hrimhrim a herh. Cu ralkap tthawng sernak ah a herhbik mi cu Phaisa thazang a si a ti. Mah phaisa hmuhnak ah a hrampi cu vawlei tang thilchuak mansung nak in minung lungthin le minung kan thluak hi a biapi deuh. Israel ram cu kan Chin State nak in a bi deuh i, Minung Million 8 lawng an si nain, Vawlei cung nih an upat tak tak mi, an zenh an ttih mi ramtthawng a si.

A ruang cu Vawlei cung ramttha, a bik in USA, a um mi an miphun hna hi Israel ram a luatnak ding, a za lawnnak ding caah cun a zeipauh an ngamh. Hi Israel pawl an lungput hi kan Chin miphun zong nih kan ngei ngai ve ko. Chinland Club (CC) ah phaisa pumpak in kan pek, UCCF ah kan Khrihfa bu cio in mission kan ttuan hlei ah a tu tan Texas um kan unau pawl nih Israel pawl kan lawh nak hna cu a thar in an langh ter chin chin. CNF le kan miphun hmailei caah hna a ngam, ttha a chia lo. Hi kan ram caah dawtnak, siaherhnak kan langh ter nak lungthin hi Pathian nih a kan theih pi lai, thlachuah a pek lai tiah kan zumh hlei ah, vawlei caan dawngh tiang kan Chin tuanbia ah kan kut neh dawh hi a rak tlang peng lai.

Lawmhnak ngan pi he,
Daniel Sakhong
Indianapolis