Ram le miphun caah riantuan ti mi cu ram le miphun caah rian tuantu hna upat le an riantuan nak ah a harhmi si khawh tawk bawmh chanh hi a si. CNF cu Chin miphun nih kan rak sunghmi Democracy, Federal le Self-determination kan tinconak dingah riantuantu le hruaitu an si ti cu Chin miphun dih lak nih kan cohlan.

Hakha, Thantlang um NLD nih Camp Victoria ummi hna caah Facang, Pe, Chiti le a dang dang si khawh tawk bawmhnak pek ah kai tel kho ve. A tu lio ah Camp Victoria ummnak caah inn lo a herh ngai. Inn khat saknak caah Ks.4,000,000/- a dih tiah Pu Biak Ling nih a chim. Inn 50 cu a tlawmbik sak a hau rih. Zang hlei cawi khomi nih thazang chuah cio ding in kan sawm hna.

Miphun caah nunnak thap in riantuan tu hna caah kan kut samh cio hna usih. Pathian nih CNF riantuannak thluachuah ko seh. Ram le miphun caah tiin rianttuanmi CNF pawl hi kan dawt hrimhrim hna awk a si. Ram le miphun caah tiin nun thap bakin rianttuanmi an si tikah chaw le va in kan bawmh khawh hna lo hmanh ah thlacamnak tel in bawm cio hna usih! Credit: Jacob Thang