CNF AGS-3 Pu Htet Ni Nih USA Ram Chinland Club (CC) Member Tampi A Karh Ter!

CNF AGS-3 Pi Htet Ni, Pu Thang Yen, Pu Pa Hmun USA a rak kan tlawn khawh caah USA ah Chinland Club (CC) member tampi kan karh. Kan Pa le an (3) cung ah kan ni lawm hringhran. A biapi in zaapi nih kan va sawm khawh tuk lo mi hna Mara, Matu le Zotung kan unau pawl tampi CC an rak luh ruang ah kan ni lawm i, kan tha atlung deuh ngai ngai. Pu Thang Yen le Pu Pa Hmun cu an tlung cang i, Pu Htet belte cu a cam rih, hmaizarh August ni 15 ah a kir lai.

Pu Htet cu nizan August 9th,2019 ah khan USA CNF Regional Committe Chairman Pu Tial Hmung he USA CNF Western Area i rianttuan tu upa pawl he workshop ngeih ding ah siseh, Des Moines khua i kan Chin unau pawl he tawn biaruah ding ah siseh Des Moinse khua, IA ah an va kal. Nihin USA CNF Western Area upa 25 hna cu workshop a tuah pi hna. A kai kho mi upa pawl vialte an ni lung si i, a tha an thawh ter hna. Rian teimak deuh in ttuan duh/zuamnak (Incentive to workhard) thazang thar tampi an rak kan pek tiah workshop a kai mi upa pawl nih an chim. A kai mi upa 25 pawl cu CNA Tactical region-804 (Chaklei) i a um mi ralkap pawl hmanding ah Motor Cycle cawknak phaisa an ni khawlh cuahmah tiah thawng kan theih i, Motor Cycle 10 cu a chuak lai tiah kan zumh.

Tu khar hrawng cu USA in CNF caah thawngpang ttha ttha theih a si. CNF GS Pu Thla Hei le CVDP Director Pu Ngun Tling nih USA thlanglei Texas ramkulh hrawng in thawngpang ttha ttha an rak kan phawrh. CNF AGS-3 Pu Htet Ni le CNC USA Committee Chairman Pu Tial Hmung sinin USA nitlaklei Iowa ramkulh hrawng in thawngpang ttha ttha an rak kan thanh. Lawmhnak he kan khat. Hi bantuk thawngttha hi Chin miphun ka si aa ti mi vialte nih lawmhnak he nan kan hrawm pi ve lai tiah kan zumh. Chin miphun a daw tak tak mi ka si i, Chinram caah ka ttuan tak tak lai ti ah cun CNF ah luh in ttuan, a si lo ah CNF ah phaisa bawmh hi a ttha bik mi lam dik a si timi kan Chin miphun kan ni fiang tluahmah. Thawngthanh tha a nuam.

Thaizing Sunday ah Pu Htet te cu Des Moinse khua i Chin miphun nih dirhmi Biakinn kip i Pastor hna le Khrihfabu pawl tampi he tawnnak le biaruahnak an ngei rih lai tiah kan theih. Des Moinse khua hi Chin miphun 3,000 hrawng umnak khua nuam ngai a si i, keimah zong CNF rian in vei tam nawn ka va tlawng cang. An khua a um mi hi kan miphun dawtu Chin miphun kan nu kan pa tak tak tampi umnak khua a si. Thawngttha tampi kan theih rih lai tiah kan zumh. Daniel Sakhong