CNF/A le Chin Party hi pakhat an si sual ahcun CNF/A thutdirnak caah harnak a um sual lai maw? (By: Rolian) Chin Party tha a pe ngai mi cheukhat hna nih Party nih Miphun aiawh le aiawh lo kong ah ca ka tial mi comment an pek mi zoh tik ah CNF/A le Chin Party hi pakhat an si ti zumh khawh a si. CNF/A nih an chim mi tawn mi cu kan nih cu Zei Party hman kan si lo. Miphun ca riantuan tu kan si ko. Ramkheel Party mem kan si lo tihi a si.

Chin Party nih Chin Miphun aiawh kho lo tiah ca ka tial mi cu Jacob R. Thang ti mi nih comment in lehnak le biahalnak aa ka tuah. Chin Party nih miphun aiawh lo ahcun CNF/A nih te a awh maw? An I kaht ko tiah aa ka ti. Ka leh mi cu CNF/A nih Miphun aiawh le awhlo kong kan chim lo. Ai an awh le awh lo cu Political Party he pehtlaihnak an ngeih le ngeih lo nih a langhter ko lai tiah ka leh.

CNF/A sin ah biahalnak: CNF/A nih Chin Party hi Party dang vialte nak in nan dirpi in nan tangti maw? Nan tanti ahcun a luancia Party pathum an i fawnh hlan ah khan zei Party dah nan rak dirpi? Nan dirpi taktak ko hna a si ahcun ramleeng lei khuasa hna nih zeitindah CNF/A bawmhchanhnak lei ah khua an ruah vete hnga ruah awk a um.

Miphun caah meithal nan i tlaih i nunnak nanpek mi le miphun nan kilvennak ruang ah ramleeng um nih thazaang an i pek hna. Party dirhmun in thazaang pek a si lo kha mu. Ramleeng zong ah Chin Party a si lo mi an tampi ve caah hmailei nan khuasaknak le cawlcanghnak ah harnak nan tong sual hnga maw? Ref: The Voice Of Democracy