CNF/A Hi Phundang Tluk In Ral Ngei Hlah Usih Law Chinland Nih Deihnak A Hmuh Diam Cang Lai

Chin News

Hriamtlai phu ciocio hmanh ahhin  – Kan nih CNF/A hi phu dang tluk in ral ngei hlah u sihlaw kan Chinland pi hi cu zalennak a hmu hmasa cem cu a si ko lai dah tiah ka ruah. Zei ruang ahdah hitin ka chim ngam, “Hmun dang dang hriamtlai phu, hmundang tlangcung hriamtlai phu hna khi zoh hmanh uh.

An nih cu an lung aa rual lawng si loin an i upat hna. Zeintindah hi Khuapau dothlennak hi kan tei lai i, zeidah zapi i bawm in hi uknak tha lo hi a hram kan bongh lai,” timi lawng an ruah. Huiha, kan nih Chinland chung belte ahhin cun, “Kei hi zei bawi dah an ka tlaihter lai, zei bawi dah kaa cuh lai ti lawng te kan ruah dih cio hna,”. – Kan tlangtar ah kal usih law, CNF/A le a hawikom pawl an ral a tam ning hun zoh hna sih.

1. Kan unau Zo lei kal ah SAC ralhraang lawng si lo ZRA. ZRA lawng si lo Meitei tapun an um rih. 2. Thlanglei Laitlang kan kal a si cun, kanmah dotu, raldoh a bawm duh lo tu phu an um lawng si lo, AA an um rih. 3. Laitlang a laifang deuh kan kal than a si zong ah, kanmah he raldoh a duh lomi phu lawng si loin AA tiang an um rih.

Chim duhmi cu hitluk ral tam tuk ko bu i hitluk hlawhtlinnak kan hmuh mi hi i lawmh i, Pathian a thangthat ding tu kan si hna lo maw?  Neih lo bu tein ral kan doh i khuapi khua thum bak mino pasaltha hna nunnak in an thlen. Chim duh bikmi cu, ral voikhat kan tuk ahhin ral pakhat lawng kan tu lo.

Ral pakhat lawng hi hmun khat te ah tu hna u sihlaw kan Chinland a za a hei len lai ning le a hei nuamh tuk lai ning hi mu. Atu nak hmanh in kan thawng chinchin lai. Kan thawn chinchin khawh nakhnga mizapi nan herh deuhdeuh fawn. Cattialtu: By Salai Tluangte

Leave a Reply