CND Thawktu Taktak Hi Cu Hakha -Thangtlang Minung Kan Si
CNF vs CND vs Surbung. Panglong ningin Zeizongza kan sung dih hnu, U Nu Chan ah Chinram cu Mah tein an ukhruai khawh lomi tiah rak hmuh kansi caah Chin Special Division timi min an rak kan pe. Yeza Vuanci level (Tulio Rawn Kalay Chin Yeza Vuanci reng level). Kan pipu ram cu duhsah tein Kawlram ah an fonh lengmang i nihin ni tiang.
U Nu nih Falam Chin Khualipi ah Pura a derhcolh. Ral in an tei hna i an lak mi kha anram hmelchunnak ah Pura or Lungdong te hna kha tuah asi. Kuan fang khat te hmanh puak loin kanram an la. Cu hnu ah Kawl Biaknak kha ram biaknak ah aser than. U Nu Chan Democracy Chan ah hin Kum fatin Chin Phunpi Ni (CND) in an rak tuah zungzal.
Kawl Party um, Chin Uktu 1 nih December 4, amah chuah ni kha Pangpar Ni tiah a rak thlen ko nain a hlutchuak lo. Culio CNO timi Chin Miphun Party le Hruaitu hna nih Biatak tein an rak do in an nung ter than. Kum zeimawzat CND tuah lo in an rak um bal ve. Ni Vung nih Burmese way to Socialism timi miphun 1, rammi 1, ram 1, caholh 1, Nunphung 1, Biaknak 1, timi oneness in a kal pi. 1974 phunghram pi ah Chin State tiah pine tling an rak kanpe. Chin Usih zung-Kalay le Chinram khualipi – Falam kha Hakha ah a rak thial ter hna.
Nain Kalay-Kabaw & Gangaw-Thilin-Kyokethu, Kanchinram kha Kawlram lei an khumh diam ko. (Tehte; Australia Ka riantuan pi hawi, Thailand um, NGO riantuan mi pa, Mr. Brendon nih Kalay-Kabaw & Gangaw-Htilin regions are belong to Chin according to English Boundary, tiah a ka ti ko). Nivung nih kanram a lak lawng silo. Ramri zong ankan deh rih Nihin ni tiang. CND kha, Chin State Day tiah a thlen. Anram pumpi in kan lak dih cang hna tinak hmelchunnak asi (Ramkhel mitin zoh ah). Chin Pine Ni cu kan duh lo tuk i cozah kip sin ah rak hal leng mang asi nain, a dang lei zong Pine Ni asi ko caah thlen angah lo ti lawng arak si.
CNF le cozah kahdaih nak an tuah ri bak in CND tiah CNF nih chunzan hlan in an thlen colhko. Amak ngai ngai. Longlive CNF, Amen. Chinram ah Surbang nak in a letza in hmunhma tthat deuh mi le arawn mi tampi kan ngeih ko. CNF nih adagn vialte cu thimh loin Surbung tlang ah Vanlawng ground cu an rak fek ter cozah he (Falam Khualipi Hlun Upat peknak ah asi rua – Keimah hmuhdan).
CND thawktu taktak hi cu Hakha -Thangtlang minung kan si. Abikin Vanzang tlang mi kansi. U Nu Chan lio hrim ah Mirang uknak le Kuli phur duh lo ah Sandah an rak piah cang. An hruai tu Pu Ro Thang zong India ah thongthlak a raksi. Mirang vuanthok Heanve nih Vanzang tlang upa a auh hna tikah, an khuapi ning tein an rak kal.
Upa thongthlak ding asi ti tik ah zapi tein thong chung an lut i an i tlum tilo. Hakha Chief Pu Kio Mang an i rawi. Vanzang tlang pawl kan fim kanfim nan ti le pei Mirang pi hmanh nan doh cu. Thanzang siloin, bia in teh nan tang, a rak ti hna.Cuhnu lawng ah an upa hna lawng thong ah an um. Hla fung khat anphuah micu: Fimnak ngei lo kan si caah thongchung kan um ti asi. Solfa he asi. Chantha hnu ah Biak Inn zong ah an rak sak pah tawn ti asi.
Falam ah Meeting tuah kha cu ahnu pi asi. Cutin sandah piah in an buai caah Rangoon cozah nih Inquiry Commission a hung thlah hna. Thakhin Vuantumawng a rak i tel ve. Vote an laa i me (17), Ramuk bawi 17 le Mipi 5000 -7000 in an tei hna timi cu Hakha -Thangtlang, Abikin Vanzang tlang nih tamtuk kan i thawh caah asi. Thongtla mi le sandah piah lio aatel mi anung rih mi an um rih. Hal khawh ansi. Anfa le zong nih an i chim khawh ko hna. Thantlang Farrawn, Bil Sung pa -Sima pu, Pu Thang Hlun Innchung nu, Iang Ku Nu, US um hna kha hal khawh an si.
CNF nih CND an si terhhlan tuanbia pelte. CND asi ko tiah cahmai 2-3 hrawng tial in Ralkap chan, Thokhlanzi lio ah Hakha khuapi caa kan rak phawt hna. Computer dawr 2 lawng Hakha ah aum. Cozah thlahlawh 4000 asi lio asi. 14000 adih. Lunghlei va cho in kan thok i Everet hmai Pu Van Hu kan va phawt hna ah an kan tlaih. Kannih cu ahman mi kan tial mi asi. Daitein caa kanphawt hna. Chin Pine Ni siloin CND a si nak hi zoh uh kan ti hna.
Cu caah Pu Ro Thang Inn ah an rak kan zulh. A fapa Ngeih Ung nih apa diary a piah hna. Tepkhual zong a chuah piak hna. Kan nih cu kan luat nain Kan caa cu thong an thlak. Ahnu an kan tlaih hmasat tu palik pa kha a reng akai. Senthum a hmuh colh an ti. Nawlnak caa: Pu Ro Thang Fapa, Pu Ngeih Ung hi Catial tu asi, Kei cu bomhtu kasi. Asin ah bia le hla , record he, diary he tling tein aum . CND hramthawk Vanzang tlang in ti aum lai. Hla zong solfa he a sin ah zoh khawh asi. Credit: Saya Rung Kaw. Video timi ahhin click law zoh khawh a si.