CNA Nih AA Atuk Zong Ah Chinmi Cung Ah Dindeih Nak Le Federal A Tlunpi Lai Lo

Thawngpang

Kawlram Ramkhel Damlo Nak Hmachia. Kum 72 leng Raldoh nak: Ram pakhat ah Hriamtlai 20 leng nih Cozah an doh timi cu, Vawlei tuanbia ah a um ballo. Hmai lei zong ah aum lailo. David chan ah Israeli miphun hmanh hitluk tam mi ral an ngei ballo. Israeli hi ramchung ral hi pakhat lawng angei (Hriamtlai lo)Palestine timi filistin miphun (Esau tefa) lawng ansi. Hezbollah le Bokoharan, ISIS, AlQuaida, tbk ralhrang hna cu ram dang ah a um mi an si. Bible um Ismail tefa Arab ram hna nih an remh hna lo tu asi. Ram dang veve in aa ral mi ansi. Israeli ka Sayama nu kha kum 70 leng Civil war asi cang nak le Hriamtlai an tam nak kong ka chimh tikah, Wow, Oh! My GOD, Terrible, tiah a sawk hnik. Ral tambik ngeimi Burma aka ti.Nan ṭhancho lonak aruang bik cu hi hi asi. Ralngol in remhdaih nak he Democracy ram ah ser uh, rianrang tein, a ka ti diam ko.

Image result for NLD cozah

Tlangcung mi hna Meithal tlaih nak a chan: Panglong Biakam Federal le Confederation kan sung. Kaa in kan chimh hna I asikhawh tilo hnu ah meithal tlaih in dothlen nak tuahcio asi. Uk Sang a thih hnu ah Panglong biachimtu le hnuzulh tu an um tilo (Kawl Cozah kip le Party kip nih). U Nu an hal I aduh lo. Cucaah Meithal tlaih in Kan hal cang hna. Panglong ning incun Zalonnak 100% kha thutiam asi. Chanthar tu ahcun Federal Democracy tu in an kan lem ṭhan. UWSA, KIA le AA nihcun Confederation tu kha an i tlai ve. Tamdeuh nihcun Federal Tu kha Vansang ah kan cohlan piak ve hna. Raldai cikcek in remdai tein / Duhdim Nun he khuasa ve ding ahcun kan hal mi/ kanduhmi/ kan saduhthahmi/ Ramkhel hnawhmi/ Zauk phung, covo, tinvo, vialte, I tlukruan dih cikcek nak kan hmuhco hnu lawngah asi khawh lai.

Image result for NLD cozah

NCA: Kan tum Zauk phung, miphun le ram zalon nak caah Cabuai Cung Bia Raldoh nak caah, kah ngolh a hau timi kha NCA- National Cease Fire tiah anti. NCA ah biatung dirh hlan ah I ceihkhang Chung nak meeting hna kha ICJM, PSST, UCJP, tbk in min tampi an pe ve. NCA hi Voi (3) an tuah kho cang (USDP chan). NLD nih 21st Panglong conference tiah min an thlen. Avoi 4nk cu 2020 chung ah tuah an I timh. Hriamtlai phu 10 nih NCA an lut. NCA Biachah nak an ngei mi 51 hna cu Hlutdaw ah lutpi ding / Hlutdaw ah ceihkhang ding /Upadi le Phunghram pi ah ser ding/ Upadi remh nak hman ding / Federal Democracy in Ramkawm kan ser lai timi hna hi abikin an si. Cu vialte NLD Cozah nih pelte hmanh zulh in a tuah mi aum lo. KIO cu an biachah ning tein Cozah nih an zulh lo caah a chuah ṭhan mi asi.

Image result for CNA ralkap

NCA timi hi KIA nih a dirhmi biatung asi. Federal Democracy a duhmi phun tamdeuh um nak asi. Bilateral Ceases Fire: Kaphnih kahngol chungnak tiah anti. UWSA, TNLA, MNDA – Kokan, AA le KIO hna an tang. Ralkap nih an namh lengmang hna caah ral adai kho hrim lo. Tuluk le Chianmai ah meeting an tuah. An ram ahcun Ralkap he I kah cuah mah ve si hoi. Kah an ngol bakin NCA ah rak I tel ve kha timhnak cu asi. Cabuai cung BIA Raldoh nak si kho ding in an hal mi hna kha pek ding an si hna. Tcn: AA nih Rakhine ram umnak nawl le Tlaih mi minung I thlen nak.

Image result for usdp party myanmar

Ral umlo Nunram: Kamtum Federal le Confederation (Pine UWSA) kan hmuhco tikah asi lai. Kawlram in chuak le chuaklo Kong ah an buai ngai ngai (NCA ngolh timhnak). Chuaklo nak ding ah upadi le Ramkhel in Biakamnak / amakhan mi Cozah le Nawlngei Party nih an tuah piak hna aherh. Anihcu tlingter loin ahrial tuin ahrial caah, 2020 mee hmuhduh nak lawng ah rian a ṭuan tiah tinak cu asi famcu. Confederation in Biakam khawh kha angamh lo ahcun, Federal Democracy tal in Biakam hna ding. Biakam nak le lungtlin nak ngei hnu ah NCA ah tluang tein I ceih khawh asi. Tulio Cozah a santlai lonak le a mualpho cikcek nak asi ve. NCA buu nih Lenglei in Federal Democracy phunghrampi ansuai lai. Ramkhel party hna le Cozah nih a chung in Phunghram pi remh / suaisam / Cawlcang lai I, Ralkap uknak dihter kha target asi cio.

Image result for usdp party myanmar

NLD Cozah nih atuah khawh ko nain atuah lomi: Federal Democracy in kan kal lai a ti ko nain, a to nak hmun in a tho rih lo. Aruang cu Kawl party an si caah Kawl nih federal an herh lo I an hal bal fawn lo. Kawl miphun nih Hriamtlai in an hla balmi cu Uk Sang hawikom le Thakhin phun nih dirh mi Bakapa timi communist tapung lawng asi. Hruaitu mifim Thakhin Tan Tun kha a cawngtu pa Chinpa nih a Dailen nak ah a kahthat hnu ah an tlau lan ve. Kawl miphun cu Democracy sawh sawh kha an i za. Hi phung nihhin An miphun, an caholh, le an Biaknak kha tlawttlau lo tein an run ven khawh. Cucaah NLD cu Miphun pakhat caa lawng ah rian ṭuan mi Kawl party kan ti nak cu asi. NLD policy ah atlangpi (3) hna cu: Democracy in kan kal lai, Upadi kan rem lai, Miphun hna I remhṭhannak nak kan tuah lai (Ral kan dai terlai).

Image result for CNA ralkap

A pathum ning tein a tuah kho mi aumlo. Democracy Innkil lung asi mi Media le zalon tein chimhrel nak Nawlvo, biaknak zalon nak pelte hmanh aumlo. Thongthlaktu le tazacuai tu in ai lak ve. NLD MP le Upa hna nih Media le zalon tein chimhphuan nak ruang ah tazacuai mi ahmuh 47 aum. NLD nih hin thlapa 45 an kan uk chung ah, thla 1 ahmuh 1 nawn in, Zalon tein chimhrel nak case tazacuai mi, 47 ahmuh um. Biaknak, nunphung, caholh, fimcawnnak, ngandam nak, le Ngunkhuai tam le tlawm, tbk ah zalonnak le tlukruan nak pelte hmanh atuah lo. Hi hna hi Phunghram kua chung taa lawngte ansi hna.

Image result for CNA ralkap

45 Upadi remhtu Committee: NLD nihin Democracy a tling ter ciknak cu: Thimhnak i mipi nih zalon tein vote nak le Kuthlir in mee pek nak lawng hi asi. Vote in lak cun Minung I tlukruan a herh. NLD party deuh lawng an si caah anchuak takhna Tlangcungmi party hna nih. Upadi remhding mi 3675 chung ah Federal konglam aatel mi aum bak lo. Tlangcungmi NLD committee a tuah ṭhan. Kawl miphun 8 le Tlangcung mi 7 ansi. Kutthlir asi lai. Kawl nih an tei thiam hna lai. Tlangcung mi Kong ruahchan tu zung cu Tai-zing-ta-ziza tiah NLD nih an tuah hmasa. Nain kawl miphun caholh, nunphung le Biaknak lawng a kilven I azoh khen. Aum le umlo hmanh Tlangcung mi le mipi nih kan theih hnalo. Tlangcung mi ai-awh tu Miphun party aum ko nain Committee atuah ṭhan. Federal Democracy maw nai fian lo or pek na duh hrim lo tiah Biahri tenh phu hrim hrim ansi. Federal Pekding le kalpi ding ah NLD timcia tein a umlo. Aamanh rih lo. Federal Democracy caah Phunghram le roadmap a ngei lo. Federal Hramthawk nak pine uktu, mah tein thim khawh nak nawl zong Tamada nih a pek khawh ko. (Pohma 261 remh hau loin). Bahu anna le pennak zawr terin, Pine Anna pek bang ah Federal te hmuhco khawh asi. NLD nih an duh fawn lo.

Image result for NLD PARTY

Zeipoah Bahu Cozah le Bahu Party antlai dih. Upa hna nih chek hmasa, theihhngalh pi nak le hnatlak nak a herh (Democracy ahcu fih nung ziaza le ukphung asi). Culo ahcun Hlutdaw ah chim khawh asilo. NLD party I ṭhihruai nak hrim hi a Centralization tuk. RC nakin an zual deuh. Democracy muisam a lenlo tuk hrinhran. Zungkip le Bawikip nih firkhut ah ṭang an lak cu um ko seh. Rule of Law – Upadi nih buan co in mikip cung ah umding ahcun, Party le Upa Hruaitu nih zulh hmasa aherh. NLD upa le Cozah lutlai hna nih mah Duhtlawng in khua ansa. Democracy ram ṭha vialte nih Mipi kha nawlngeih nak Sangbik an pek hna. Kannih cu lehtalam kansi. Mipi cu Mipi Cozah lobang Vom le Sahrang phun in kan ponchuak hna. Mipi nunnak lamthluan ah dindeih nak le hnangam nak phurtu siloin hnahnawh lurit tu kan pe hna Mipi Cozah nih. NLD Bahu Upa hna sinah Democracy aum maw? Um hlah. Naisai? Chinmi kan pa le Bahu upa savo an cotin khawh ve lo. Bahu Vuanci le Ministers ah Chin NLD upa savo an pe hnalo. Ministers – Vuanci le vianci zung cu Cozah nih a herh a ti ning in a karh kho, a ṭumhkho ti asi.

Image result for NLD PARTY

Chin NLD upa hna, Mipi Cozah nih rian an pek mi hna cu: Ramkhel kung cung hmin, chimhrel nak le NCA, tbk ah si loin, Fial chukcho /Chungṭuan/ Rawlser / Rawlpek tu men ah ahman hna. Democracy lo tak in a kal pi ko hna nain an I nuam tuk, chin NLD kan pa le mifim rual cu. Satit, a thinlung, akap man, sathaw deuh cu an I baar dih. An chung le an phawt dih ko hen cu! Nam Nam Thaw Thaw, Pu Vom Sa maw thaw deuh lai, Vaking sadah thaw deuh lai, an ti lio ah Federal phung le Paletwa / Rakhine um, kan phun hawi hna cu, Kawmtang Sahngar nih, Arpi Farual bang in cuai diam hna mu?

Image result for CNA ralkap

Chinram Ral Ruang ah Harsat nak phuntling le thihloh kanton mi Kongah kartawi NLD Cozah! Ramkhel le Federal Democracy ruang ah Raltuk mi asi ahcun, Mipi harsatnak pelte hman pek lo ding tiah Kawlram siseh, Tlangcung Hriamtlai phu siseh, Geneva sen a thuh dih mi ansi. Cozah Ralkap le AA he tiah, hremh le tlaih, thahnawn hi Gevena ah report dingtu ansi. Democracy or Federal or Conderation Zauk phung in kal a duhmi / Ral adoh mi ahopoah nih (Cozah siseh, AA siseh, etc) mipi harnak pek hi an ngolh lo ahcun Kanram ah dindeih nak aum khawh lailo. Ral mei hmitkhawh asi lai lo.

Image result for AA army

Tu cu Ramkhel caah Raltuk asi tilo. Cozah Ralkap he AA he Ralhrang an si ko cang lo maw? Hihi mipi Cozah nih Ngol ter ding asi. CNA nih AA atuk zong ah Chinmi cung ah dindeih nak le Federal a tlunpi lailo. Ralruang ah thihloh nak le Harsat nak tu akarh chin lai. Chinmi nih zungzal ral 2 kan I ngeih he aalawh lai. Cozah nih Kahdoh ngol chung nak, Cabuai cung Biaruah nak, Umnak hmunhma peknak, tbk in duhsa tein NCA lei ah lam hruai ding tu asi deuh. Raltei nak le Meithal in Dindeih nak akawl tu cu Tlangcung mi kan si lo. Tulio Cozah le AA lawng ansi.

Image result for AA army

Kawlram le Chinram ah Duhdim Nun Zauk Phung sersiam nak: Federal Democarcy asi aherh. Cu hlan ah ral dai hmasa aherh. Raldo lo ding ah kan hal mi Zauk phung pek aherh. Zauk pennak pek kho rih lo ahcun Zauk phung in Biakam a her. Zauk phung Upadi le Dundan suaisam piak aherh. Confederation le Zalonnak pek awk ah a si khawh lo ahcun Federal tal in nawlpat anherh (UWSA, AA, TNLA, MDNA, KIA).

Image result for kia army

Federal Pek ding ah ready kansi ko ti langh ternak caah, I tlukruan dih nak, Bahu nawl zawrter, Pine Nawl pek dueh, Pohma 261 tal rempiak ding, Remh lo ahcun mah tein Uktu le vuanci thimhnak nawl pek ding, Tlangcung ah anmah party cio kha free le zalon tein cawlcang nak Nawlvo pek ding le hnahnawh nak peklo ding, tbk le Miphun 1- Party -1 Minung -1 le Cozah -1 lawng usa pek mi le Cozah siter loding, Kawl miphun nih mahlawng cungnung ah I hmuh nak thlau cikcek ding, etc.

Image result for kia army

Biatlangkomh: 2020 thimhnak achun Tlangcung mi hna nih teinak an hmuh lo ahcun cunglei Harsat nak in I hlihphuah khawh asi ti lai lo. Hi Ramkhel zawtnak vialte danter ding ah kan sung mi ram le miphun, covo/tinvo, hna caah Ramkhel mi cu asi. Cucaah 2020 ahcun Mipi nih kan lung fim sehlaw, Federal Democracy ram lei panh bu in Nunduhdim ram ah I serchuak ve ding in Miphun party kha lungṭhul lo tein vote cio hna uhsi! Credit: Saya Rung Kaw

Video timi hi rak hmet law video zoh khawh a si.

Hi link hi rak hmet law zoh khawh le ngaih khawh a si.

 

Leave a Reply