CNA Le CNF Karah Lawngah Si Lo. Laimi Chungah Hi Lungput Nih Buainak Le Ram A Hrawh

Chin News

Mawhchiatnak cu a si lo. A chungmuru in van sawh koning thinhunnak ngeih loin khuaruatnak tuin zoh deuh aherh. CNA le CNF karah lawngah a si lo. Laimi chungah hi lungput nih ram a hrawktu le buaihnak nganbik le hnahnawhnak nganbik chuahpi tu a si.. Hruaihtu tha hi Laimi chungah an tlom tuk..

Chin Ralkap CNA Ah Luh A Duh Mi Hna Caah Thawngthanhnak – Chin Miphun Tlangau

Hruaihtu aa timi poah hi mah miaknak le eimuar-mah minthat-upat le ttihzah duhnak mi nih ka thangthat Hna seh timi a kawlmi thinlung hi a tlau ta lo ahcun teihnak hmuh nak lam a um lo. Laimi tampi ruahnak cu upa hruaihtu ka tuan lai i Min Aung Hliang ruahnak a ngeihmi an tam deuh tiah ka hmuh.. Mah minthatnak-mah miaknak mi nih upat le bochan duh tukmi hruaihtu a tlau ta lo ahcun teihnak a um kho lo. Sal thinlung a tlau ta lo ahcun teihnak a um kho lo..

Laimi tampi nih ngeihmi ruahnak a si. Midang upat le conghlawmh thangthatnak an hei duh sawhsawh men lawng khi an rumra a si ko. Thinlung thiang a um lo ahcun teihnak a um kho lo, hruaihtu tha an chuak kho lo.. Tuah kho taktak mi le bochan awktlak taktak le ngeihmi an ngeih fawn lo, min le upat thangthat cu an hei duh ngai fawn.. Chim duhmi cu laimi lungput fih a nung a sinak kha ka chim duh. Taktak ah tuah khomi zeihman an ngeih lo.

A donghnak an phichuak cu mah miaknak le mah lianngannak le minthatnak upat conghlawmhnak si an duh caah a si. An i tlaihmi cu khua le ram caah an ti nain anmah ca’h lianngannak minthatnak upat conghlawmhnak caah tu ah a rak si deuh. Cucu mawhchiat le zeirel lo caah si loin an theihthiam lo caah zongah a si kho men theihthiam nak a tlom caah le hmuhtonnak a tlom caah a si kho men sining phan lo caah a si kho men hrasatnak ruang ah a si kho men chambau ruangah a si kho men Ko.

A Biapi piatanaa cu cunglei tialmi lungput hna kha hrawktu le buaihnak chuahpi tu hnahnawhnak chuahpi tu ral nganbik a si. Hi ca ka tial ruangah huatnak le bia tampi ka tong kho nain hlo a herhmi lungput ziaza a si caah siaherhnak in ka van tial. Hi bantuk lungput hi sal lungput a si. Cattialtu: Anna Suihleisung Zaathang

Leave a Reply