RAMA AH RACHEAL CU IK HLUAIMAI IN AṬAP. Achan cu Kawl Batawr Setan Ngian Ruang ah AA derhtu: Rakhine Phungki phu. Biaknak an ngeicang. Ralkap ngei aherh. Ramla ding lawng atang cang. Target: Rakhine Kingdom Serthan ding. Independence bak la ṭhan ding. CNF/A Dirhtu: Kawlram Democracy dothlen nak tuahtirtu le NLD/Pi Ci a theipar khim tein eitertu 8888 Deirel Arfi Chin Mino Phuntungtu hna ansi. Target: Panglong ning in Kanpupa Chinram la ṭhan ding le Federal State in Federal Democracy derh ding.

KAWL SETAN NGIAN vs CHIN MIPHUN: 1. Mirang ukhlan ah Maha Bandulla timi Chinpa Vandolla nih Kawl SPH ram kaupi siam piak nak. 2. Panglong i Biakam nak vialte Pakpalawng ah an ser. ‘Voikhat nak Union of Burma’ 3. Kan Krifa biaknak kha Budhism in hramhram in an thlen. 4. Karen ralte ruangah Irravuadi ramkulh pek ding tiah thutiam. Voi 2nd Union Of Burma Siamtu siman. Chinmi um hla usih law Union Of Karen asi lai. Vawlei map in Kawlram atlau lai.

5. Karen le ral an I do mi kha Budha le Krifa Pathian ral i do mi asi tiah an kan leh piak. Krifa mission ṭuan a har tuk cang. KNU cu Phu 2 ah an I ṭhen. DKBA-Budha Karen Luatnak Bu le KNU tiah 6. Ni Vung nih ramhruai ning ruah nak ka cheu ati. Chin mino le Upa nih Federal State Upadi an kuat. 72 thongthlak ansi. 7. Kawlram dothlen nak chuahtir tu, DASSK Ramkhel kong Cawnpiak tu le Lamhmusak tu 8888 kha Chin Ralkap nih an kahthah hna.

8. Budha mission tiah chinmiphun lak ah an biaknak akarh ter. NaTaLa le “Nisat Ziya” ṭhancho nakin Khuachia Biaknak mission a ṭuan. Chin SPH Pu Hen zong an biak ter cang kha! 9. Rakhine le Kawlram karlak piatana kha Chin le Rakhine piatana ah thlen antim cang. 10. Tlangcung mi mifim cathiam hna kha ‘Ngarawl ah’ hmang in zungzal Ukpen kha an kanduh. Burmanization timi Burma miphun ah can ter dih kha a target le saduhthah nganbik asi. Ministry of Religion timi ram ṭhancho ah aum lo.

Rakhine le Kawl I remh lonak: Rakhine Kingdom kha an chut hna. Kawl nih rulpuar le Rakhine nanton hna ahcun Rakhine that hmasat tiah phunthluk an ngei. Rakhine ram i Vawlei chung chuah thil mansung vial te an i lak dih. Ahnu bik ah Tuluk sinah Gas azuar Rakhine mipi hnatla nak telloin. Rakhine nih an ka buai hnawh cang lai ti atheih tikah Rohinga Kala hna he an karlak piatana aser piak hna.

Tuluk vs India Sipuazi I zuamcawh nak: Tuluk nih Rakhine Gas cu alak bakin India nih aduh colh ve. Bagaladeh lei ah kal ter ah alam can atawi bik. Aa ralmi ansi caah Chinram Paletwa in lut ter antimh. Cucaah Paletwa hlei le Chinram thlang lei Chaklei pehter tu Lam mangtara zong pek ankan timh nak kha asi. Hmailei ah tampi deuh in ankan bawm rih te lai. Ankan bawm deuh ah, aletin an maik deuh caah asi. India CNF/A bawm atimi zong hi Rakhine ah Tuluk cu Sipuazi in ka tei zong ah apawi lo. Rultlang cawh tikah ka tei ṭhan lai tiah ruahchan nak angei ca zong ah asi kho ve. CNF/A nih an cohlan ahcun Rultlang cu zalon tein an ṭuan khawh ve lai cu ta. AA Hriambawm tu: Pakistan le Tuluk ansi. Pakistan um ISIS hna nih an bawm pah hna rua tiah zumh asi. ISIS le AA- Budha hna I bawm in Krifa an kan hrem lai lo ti khawh asi lo.

Chinram ah AA duhmi: Chinram Pletwa aduh caah ‘Dr. Aye Maung le Politic kip nih anduh’ caah Chinram a hnursuan. TULIO COZAH NLD LE SETAN NGIAN: AA nih minung i thlennak kan tuah lai ati tikah Kawlral kap nih anduh lo. Upadi ning asilo ati. Ralkong ah Ralbawi zik nawl asi ko. Rakhine le Ralkap-KAWL piatana kha. Cun Tamada nih azipaw thanh caa/News chuah nak nawl aum. Cucu Hlutdaw nih Upadi bantuk acohlan lai ti asi ‘Phugnhrampi ah.

Pi Ci cu Tamada nakin angan deuh ko nain daitein aum. Ahmur aacip. Chinmi 70 leng anthih cang. Cun 14 antlau. Tuzong Pu Hoi Tin an tlaih. Ralkap kha cu UN nih salam apek cang. ICC kut ah a ap cang. Tulio Cozah NLD le Pi Ci nih Human Ritghts ‘Nuhrin cov’ anbuar tuk tiah UN security council nih sual an phawt tuk cang. Cucaah Pi Ci cu UN meeting akai ngam tilo. Chinmi asi mi Pu Hen le Hau Do Suan kha asual nak huhphen nak caah a hman hna. AA zong HR abuar ve ti hna seh tiah thluak in CNA kha tuk ter an timh hna.

CNA vs AA RALTUK NAK IN ACHUAH DING MI TUKSAPUR HNA: Rakhine ram ummi Chinmi phun 200,000 annun ahim tilo. Chinram ah Rakhine ummi cu 13000 leng lawng ansi ‘Cozah rianṭuan telin. Chinmi ahohmanh kan him tilo. Ramdang he Ramchung he kan nun ahim ti lailo. CNA cu chin ai-aw tu asi lo titu le aphunphun thangchiat tu zong kha nan luat ve fawn lo. Aho nunnak hmanh ahim tilo. Rakhine cu PLO sinah Tidan kai mi ko an lawh. An duhmi thil le ram hmuhco ding ah vawleipi buaibai ter ding ah ready ansi.

A si takmi: ALA nih kan khua pawng ah tarpah cang mi an rak thah bal. Rakhine ram ah Sipuazi ṭhalo a rak tuah bal anti. Minthang deuh le arum deuh mi hna hmasat bik ah nan him lo. Tulio cozah he nan I theih zong ah naluat hlei lo. Pu Hen zong aluat lo bantukin Chinmi Party lutlai poah zong nan luat lo. Rulbang in Fim caan acu cang. Israeli miphun thah dihding ah order chuah lio ah “Modecai nih SPH nu esther, Nan zong na luat hlei lo” a timi bia kha atlung te lai.

Hoikawm asimi kha zungzal ral kan si cang lai. Chinram ah Armegadon ralpi atlung cang lai. Thih le loh, Raldoh zungzal kha kan life ‘Nunnak’ asi canglai. Palestine le Israeli bantuk zungzal ral kan si cang lai. ‘Ram Innpa kan si caah. Crusade ruang ah Muslim sinah Krifa nih Mission kan ṭuan khawh lo bantukin Rakhine ah Kri thawngṭha chim a har tuk cang lai. AA nih An ralbik ding mi cu Pastorte an si cang lai.

TUANVO NEIBIK AHODAH ASI: Tulio cozah NLD le Pi Ci an si. Anmah hlan ah Miphun party lutlai nih AA caa an pek hmasa hna. Chin cozah nih Inntang sahngar hmanh a ṭhawl kholo ding mi, Arkhai cazin bantuk Thanh caa an chuah ve. Chin mino kip nih tu nih hechet tiah thanh ca le duh lo nak an langh ter. Culio ah Vuanci Chok Chin Nehemiah le Vuanci Daniel bantuk Pu Bawi Lian Mang tu nih Pawpi bang ahrang. Phuntung tu le ramdaw tu cu an I phundang hrim. Chinram le Miphun huhim nak caah Ahohmanh ka ṭih hna lo, tiah a hrum ai cang kha. Tulio Cozah NLD upa hna le Pi Ci cu kum 50 in akal tak hna. Chin pasal ciamman. Hi ka capar in “Upat nak Salam kanpek.”

Tulio Cozah le Uktu hna zong nih Rakhine le Chin piahtana siter anduh ti u sih law, kan palh lai lo dah. Anchimrel mi le An tuahto ning zoh ah lung ahmui lo tuk. Ngakchia thil tuah an lawh. Pu Bawi Lian Mang le Chin Mino CSO hna sin fim va cawng uh ti tlak ansi. Pi Ci Tamada sinak ding ah Pu Thang Sui a ton lengmang bangkhan, AA tlaih mi hna luat nak le raldai nak caah Pi Ci nih hin aazuam aherh. Ahmur aacip ding asilo. Ralkap zong kha AA duh nak hi zulh ding in negotiate tuah seh. UN HR sual phawt nak in luat nak lam a kawl I rulbantuk fimnak he aazukphir mi le dai tein aum mi, Cozah le Ralkap vs AA piatana kha Chin vs Rahine piatana in serh i timh hi cu Chur hmanh nih atheih lai.

Timtuah nak ngei ding: Ral tho taktak sehlaw, Chin mi poah raltuk thiam ank fimnak kan herh. Ahodah an kan cawn piak lai. Meithal le zenkuan tah ahonihdah ankan bawmh lai. Eidin tirawl le uniform kan herh rih lai. Hodah kan hmarun an kan thlawp lai? Hodah kan ruak a fim lai? Cucaah raltuk loin Phisin nak lam kan kawl piak uh law kan duh ko. AA le CNA cu Kachin fanau veve an si caah tlaikhih mi thlah ding ah KIA chimh ter ah teh? AA cubUWSA force pek ter ah zeitin? Tuluk ram or India or Pakistan ram khat khat nih tlangtla ding in teh?

Western ram le Europ ram hna chimh ah teh: Dr. Sa Sa Kha, England SPH nu chimh ter ah teh? US cozah le UN pi va ton ah teh? Chin miphun nih kan um nak poah ah AA raldai nak le tlaih mi hna thlah ding in sandah piah ve ah teh? Achan cu raltuk lo in daiter le AA kut umni hna chanchuah khawh kha mipi nih kan duh bia. KRIFA NIH TUAH AWK: Israeli mi cu hi bantuk can ah Buri le puanchia I aih le Rawl ulh in thla an cam hna. Chin mikip nih kan umnak hmunhma cio in thlacam cio uhsi. Ralthawh lo nak ding le Tlaikhih mi hna luat nak caah. Dainak kha Chinmiphun, Chinram., uktu cozah, Hruaitu upa vialte le lungrethei mi caah. Rakhine ram le miphun caa zong thlacan sih. Naral vadaw ti asi caah.

Abikin MP Hoi Tin, Harnak tonmi Paletwa Chin kan Unau hna, AA nih tlaih mi vial te, Ralruang ah thih lo nak aton mi chungkhar vialte, Chinmiphun huhim nak caah ‘Kan umnak kip ah, Ahnu Bik ah Pu Bawi Lian Mang le Anau le hna himbawm nak le an rianṭuan nak hlutchuak nak ding caah. CAN ca thlacam cu Given siseh It is only wish to do expression of My Lamentation for My Land and People. Chinram le Miphun dawve tu Nan Unau pa; Saya Rung Kaw-KAWL RAWN