CNA/CNF caah lunglawmhnak thawngpang Ṭha

Chin News

Malaysia um TPF (Thantlang Peng Fellowship) nih ram le miphun ca riantuantu CNA cu tukum chung avoi hnihnak ah RM 6545 (Ks. 2,160,000 hrawng) kan bawmh than hna. Malaysia CNFRC upa hna sinah November ah khan kan pek cang.

Image may contain: 5 people, outdoor

A voikhatnak hi tukum May thla thok ah khan Ks. 2,266,000 (RM 7000) kan rak kuat hna. Hitihin tukum (2020) chungah kan bawmhmi hna dihlak cu Ks. Ting 44 renglo a si.

Image may contain: one or more people and outdoor

Malaysia dirhmun a harning cu zapi theih a si. Cu chinchap ah COVID-19 ruangah rian a nei lomi kan tam tikah chungkhar khuasaknak ah a lungretheimi kan tampi hna. Cucaah hi vial hi kan ti khawh tawk a si. TPF nih kan Lai ralkap CNA kan in dawt hna, kan in upat fawn hna. CNA bawmhnak ah tangka a thotu mipi vialte le pengtlang chairman/upa dihlak nan cungah kan i lawm tuk hringhran.

PS: A tanglei table ah pengtlang cio nih kan thawh zat tling tein kan langhter. Source:
Victor Mang Hlei Hrin

Image may contain: text that says "2020 Chungah TPF Nih CNF Kan Bawmhmi Hna No. Pengtlang min 1. Vailamtlang 2. Vanzangtlang 3. Zahnaktlang 4. Khualhringtlang 5. Bual 6. Thantlang Avoi 2nak thawhmi RM 2275 RM 1050 RM 500 RM 1750 Avoi 1nak thawhmi RM 1590 RM 1000 RM 2000 RM 1500 RM 510 RM 400 Total RM 7000 Total RM 3865 RM 2050 RM 2500 RM 3250 RM 510 RM 1370 Grand Total 13,545 RM 970 Total RM 6545 Col. Solomon Thang Ding te an hon lio ah an thutdirnak caah RM 1000 kan rak bawmh fawn hna."

Thantlang thawngpang rak rel chih: Thantlang sii-inn quarantine a chuah thaizing ah a thi mi Pi Biak Sung siibawipi Dr. Tun Pwar nih a thlop duh lo tiin chungkhar an lung a fak.

Image may contain: sky and outdoor

Thantlang sii-inn ah i thlop ding in Mizoram Thekte khua in an ratpi mi Pi Biak Sung, kum 70 cu quarantine a luhnak in a chuah a thaizing December 15 chun ah a thi i quarantine a um lio ah siibawipi Dr. Tun Pwar nih a thlop duh lo tiin chungkhar an lung a fak.

Hi kong ah Pi Biak Sung i chungkhat Thantlang um Pi Khual Dim nih “Kan Pi hi a lung le a kal le a thluak lei dam lo in a zual ngai. Mizoram COVID rai ruang ah Aizawl lei ah kalpi awk a that lo ca ah Thantlang sii-inn ah an van ratpi. Lampi zong ah keimah nih ka va don i thi in a luak. Ramdang mi an si ti in quarantine ah chiah a si. Cutluk i mizaw a si ko mi cu quarantine ni hleili a um chung ah siibawipi Dr. Tun Pwar nih a thlop duh lo, i a zoh lo. Cucaah a chuah thaizing ah Dr. Hmuh Thang sin ah kan kalpi i thlop manh lo in a kan liamtak. Dr. Tun Pwar nih hin kan pi quarantine a um lio ah hin a thlop awk a si. A thlop duh lo mi cung ah kan lung a faktuk, ngaihthiam a kan hal lo ahcun aa tlak ning in taza ka cuai lai,” tiah The Hakha Times ah a chim.

Pi Khual Dim nih a chim ning ah cun, “Quarantine a luhka ah a thi le a zun an check mi lawng a si. Sibawipi Dr. Tun Pwar nih a zoh lo. Quarantine a chuah lai zan thum chung lebang cu a it kho lo. Lian Lian pa sin kan phanh pi a thih ah Lian Lian pa zong nih ‘A thi baan in pei nan van ratpi cu’ a ka ti,” tiah a chimchap.

Hi kong ah Thantlang Sii-inn siibawipi Dr. Tun Pwar The Hakha Times nih a hal i a lehnak ah “Amah hi Thantlang sii-inn ah hin i thlop ding in a ra mi zong a si lo. Ramdangmi an si i, voi hnih tiang kan cah hna. Nan rat lo ahcun taza kan in cuai hna lai tiah kan ti hnu ah an ra i quarantine ah kan chiah mi hna an si. Sii thlop ah a ra lo i thlop awk an tha lo,” tiah The Hakha Times ah a chim.

Pi Biak Sung quarantine a um chung ah na zoh maw? tiah The Hakha Times nih hal mi a lehnak ah “Keimah nih a tlawmbik voi hnih ka zoh. Hihi Thantlang COVID Committee nih a phung ning in kan tawlrel mi a si. COVID Committee ah hin khuami upa zong an i tel ko. An chuah hnu ah sii hi thleng in sii dang zong ding sehlaw hngalh a si lo. Hi bantuk lungzawtnak cu zeitik caan poh ah ruah lopi in thih khawh a si,” tiah The Hakha Times ah a chim.

Sibawi dang nih an zoh maw ti mi kong ah Pi Khual Dim nih “Dr. Ly Ly nih ‘Voi hnih ka va zoh. Rian hi sii-inn mizaw le quarantaine lei ti in kan i then hna’ a ka ti,” tiah a chim. Hi kong ah Dr. Van Lian Hum nih “Hi kong he pehtlai cun kei cu ka theih mi a um lo. Siibawipi Dr. Tun Pwar nih a theih lai, amah hal ulaw a tha,” tiah The Hakha Times ah a chim.

Chungkhar lei in Pi Khual Dim nih “Ramdang in mizaw zual lampi hmanh ah thi in a luak mi kha ni 14 chung quarantine ah thlopbul lo in an chiah i quarantine chuah a za ti in an chuah mi hi cu, kan lung a faktuk. Dr. Tun Pwar hi kanmah chung lawng si lo in Lai miphun an kan neek hrimhrim bia a si. A rian cung ah a mawhbak. Ngaihthiam a kan hal lo ahcun taza ka cuai hrimhrim lai,” tiah The Hakha Times ah a chim.

Pi Biak Sung ruak hi Mizoram an khua Thekte ah an tlunpi i December 15 zan ah Zaangtlang khua in Tio tan in an khua leiah Zaangtlang khuami nih an kalpi.

Leave a Reply