CNA, CNDF, CDF-KKG telh in thlanglei Kalay kahdohnak i SAC ralkap 10 an thihnak muicawl
Sagaing ramṭhen, Kalay peng, Technology University kam ah SAC ralkap thazang 200 hrawng cu CNA, CDF-KKG, CNDF le PDF-Kalay phufonh hna nih an kah hna i SAC ralkap 10 hrawng an thi, hliamhma a tuarmi zong an um tiah CNDF le PDF-Kalay nih an thanh. Cu kahdohnak muicawl cu PDF-Kalay battalion 1 nih a langhter. The Chinland Post. hHI KA LINK HMET LAW VIDEO ZOH KHAWH SI LAI.

Thawngpang dang: Yekyi Ah Rammi Sinak A Ngei Lomi Minung 25 Tlaih An Tong, Pakhat A Thi!: Ayeyarwaddy ramṭhen, Yekyi peng Kuanga Taichaung kalnak lampi ah nizan August 3 zinglei ah rammi sinak a ngei lomi minung 25 cu palik nih an tlaih hna. An tlaih hna lio ah motor khaltu pa cu a zaam i, a cung ah aa citmi pahnih cu an tlak caah pakhat a thi, tiah palik he naihniam mi pakhat nih a chim.

Rammi sinak a ngei lomi minung 25 cu lampi ah tlaih an tong i, cu chungah nu pahnih cu meng tung 44/0 le 44/1 karlak ah motor cung in an tla i, pakhat cu a lu a kuai caah a thi, tiah theih a si. Palik he naihniam mi pakhat nih, “An tlaihmi hna cu minung 25 an si. An kan tlaih sual lai tiah a zaammi pahnih lak ah pakhat cu motor cung in a tlak caah a nunnak liam. Yekyi palik camp ah a herhmi tete halnak le chekhlatnak an tuah hna,” tiah a chim.

Tlaih a tong mi hna chung ah nu 11, pa 11 le kum tling lo ngakchia 3 an i tel. Nawlngeitu hna nih humhimnak an lak lio ah an tlaihmi hna an si, tiah theih a si. Tlaih a tongmi minung 25 cu Yekyi palik camp ah an chek hna lai i, uapdi he aa tlak ning in taza cuai an timh hna, tiah theih a si.

Arakan Liberation Party Chungtel Lt.Colonel Khine Paw Lin Le Tang Riat Siangngakchia Pa Cu AA Nih An Tlaih Hna!: Arakan Liberation Party(ALP) in Central Committee chungtel Lt. Colonel Khine Paw Lin cu August 2 ah Arakan Army(AA) nih an tlaih, tiah ALP Secretary Khine Kyaw Khine nih a chim. Khine Paw Khine cu a inn ah kan va tlaih i, tang riat cawngmi siangngakchia pa Soe Min Ngaing zong kan tlaih chih, tiah AA nih an thanh.

Hi bantuk thil tuah cu Rakhine miphun karah buainak le remlonak thil a chuahtertu a si caah ALP nih kan cohlang hrimhrim lo. Cu pinah ULA/AA nih kan party hruaitu cheu khat le party chungtel ralkap hna cu an rak tlaih hna i, atu tiang an thlah hna lo, tiah ALP nih cathanh an chuah.