Daw Aung San Suu Kyi caa thawngpang chia ngaingai a si hih! Freedom City of London Corporation nih Kawlrampi ruahchan petu Daw Aung San Suu Kyi cu Freedom Of The City Of London nih luatnak (minṭhatnak) upatnak laksawng an pek cu an chuh ṭhan tiah kan theih.

Kawlram nuhrin Covo a buar ruangah le Rakhine ram i Rohingya hna kawl ralkap nih an tlaihhremnak konghe pehtlaiin an lunghrinh le mawhphurtu a si tiah tiin atubantuk minṭhatnak laksawng an pekmi hi an chuh ṭhannak hi a si tiah theih a si. Aruang tiah ruahmi cu nuhrin covo (Human Right Abuse) ningcang loin ahman a buar ti ruangah deuh an chuh ṭhan hi a si.

David Wooton nih “Kum 2017 lio ah Daw Aung San Su Kyi cu Freedom Of The City Of London nih luatnak upat nak laksawng an rak pek. Mah kum lio ah ramkip leiin Kawlram Democracy lei thlennak cung ah a thatnak in an rak hmuh piak hna. Asinan London khualipi chawleh rianṭuantu pawl, Bank rianṭuantu pawl le Company a ngan deuh mi pawl a umnak City Of London i Corporation nih cun Kawlram cu chawleh dingah lam an rak awn piak hna. Mah laksawng pek nak ah chawlehnak a tluang deuh lai tiah” an rak hmaithlah nak hi a si tiah a chim.

Atu bantukin City of London Corporation nih Kawlrampi ruahchanpetu Daw Aung San Suu Kyi upatnak an pekmi Freedom of the city of london laksawng an pek cu cu March thla 5,202 ahkhan an lakpiak in an chu ṭhan tiah thanhnak an tuah hi a si.

Note: Kawlca Halkha ca in kan lehchawmhmi a si caah kan palhnak le a si lo ning in kan lehpalhmi a um sual ah cun nan kan theihthiamnak lai kan in nawl hna. Kawlca a rel khomi nih cun hi link ah hin kawlca in  ah hin rel khawh a si.