2019 Christmas le NLD Cozah Heroin Bing Cinnak: Bingkung phun khat asi mi Sehchauk asi. Ramdang Phaisa Tampi Hmuhnak le Sii-ai caah Cin ding asi lai. Tuluk nih kawlram ah Eka 500,000 a cin cang. Vietnam Sipuazi tama hna zong nih USD 200 millioins in Cin an duh ve. Athei, apar, amu le ahnah kha Drugs (Heroin) timi Bing tha tak tak mi ah serchuak khawh asi. Upadi in Bing ah serchuak lo ding in kan kham lai an ti. Tuluk ram nih hin 60% Sehchauk hi a cin mi asi.

Ruahlen awk: Cozah rian tuan hna le Vuanci hna Eihmur nak a khamh kho lo mi, Tender le cozah tangka ningcang tein hman athiam rih lo mi, Upadi le laws nih buan aco lomi, Hmunhma kip ah firkhut nak le thahnawn lawng tein a khat mi ram, Rule of Law a um bak lo mi ram, Upadi cung ah Uktu le hruaitu pawl um nak ram, mipi sifak tuk nak ram ah, Upadi ning in bingcin le Upadi in khamh timi hi a nep te lai lo.

Tuluk le India ramri hrawngah cin cia mi hmanh aabuai pi tuk lio ah Bingkung cinthan ding cu khuaruah har asi ko.Bingkung cin nak in maw Singapore lonh cu an i timh tak tak hnga mu? Thatlonak vialte i a hram le a kungpi asimi Bingkung cin cu Setan kung kan cin ti asi ko. Lai Zureu hmanh a buaipi mi ram ah Bing kung cin cu ruah ahhin tuksapur asi ko.

Tin Sui nih Chinmi cu Fangvoi cing uh law, ZU chuan uh an kan ti. NLD cozah nih Bingkung an kan cin ter hoi lai. Krifa ziaza asi lo mi khuapi le mino hrawk tu ral an ra lio. Vawlei ah remnak le dainak um ko seh ti kha a lettalam in vawlei ah buaibai nak le tthatlonak vialte tlung ko seh tbk asi cang ko. Saya Rung Kaw