Christmas tuahnak kongah Chin Ramkulh cozah nih mipi sinah thawngthanhnak an tuah cang. Kan theih bantukin Covid-19 zawtnak ruangah vawleipi lung rethei in a um i, cu lak zongah kannih Chinram zong a him chin lengmang ve ti lo. Kannih Chinram cu 99% cu Khrihfa kan si bantukin Jesuh khrih chuahcamtuak kum chiar te hlunghlai ngai le nuam taktak in tuah tawn a si. Asinain tukum cu pulrai zawtnak ruangah atu bantukin Chin Ramkulh cozah nih thanhnak an tuah hi si.

A cunglei kong he pehtlaiin Chin Ramkulh cozah nih thawngthanhnak an tuah mi cu “Chin Ramkulh chungah Christmas le kumthar hman a si lai nain minung 50 cung kai loin tuah ding cathanh an chuah. Cun Carolling singing zong kal lo ding” tiah atu bantukin thanhnak an tuah hi si.

Relchih: US Presidential Result Update: Ka FB hawikom chungin US President thimnak (2020) ah teitu an fiang rih lo ti bantukin a chimrelmi kan hmuh ngai rih hna. President Trump nih teinak a co t’han lai titiang in a chimmi nan um ngai rih. Tutan thimnak hi kum 2000 lio i Bush le Al Gore cu Florida state ah votes 2000 hrawng lawngin an i thlau caah teitu fiang kho loin caan zeimawzat an rak ummi he hna a tahchunhtu kan tam ngai tikah mirangca a rel kho ve lomi mi cheukhat caah lung awtawmnak a chuahter ngai rua dah ka ti.

US President thimnak result cu January 20 ah uknak nawl an i thlen hnu lawngin tlamtling in fehtermi asi zungzal ko nain States cio nih votes an relmi result in teitu thanh cia an si camcin ko. President Trump le a dirpitu mizeimaw nih thimnak result cu States cheukhat ah an dohkalh (challenge) len ko nain an thlen khawhmi zeihmanh a um rih lo hlei ah State pakhat cio nih an State election result an thanh (certified) cang caah teinak cotu cu Mr Biden asi ko.

Cucaah US President thimnak ah teitu an fiang rih lo asiloah Trump nih teinak a co tthan ko lai tiin a zumtu le a chimreltu poah nih phaisa thap (betting) in zuamcawh khawh ka si. Kan miphun chungin Mirangca aa rel kho lomi pawl caah lungbuainak nan chuahter ngai tiin ka hmuh caah biatak tein ka van chimmi asi. Biak Hnin Sang