CHIN RAM UKTU LU TLAI DING! Kan Chin ram uktu lu tlai ah ralkap cozah nih Dr. Hmuh Thang an ti te sual hnga maw ti phan a um ka ti. Dr. Hmuh Thang hi CHIN ramkulh ah USDP lutlai a si. Ralkap zong nih an ttihzah i an uar an dawtmi pakhat a si. 2008 Kawlram Phunghrampi sertu ah aa telmi pakhat a si ve.

Atu ah Chin ramkulh uktu lu tlai Terrence San Mawi Ni Khuai nih ruahlo pi in a thih tik ah Chin mipi nih upatmi pakhat Dr. Hmuh Thang hi a ai awh ah ttuanvo an peek te kho men ti hi ka zumh i ka thin a phaan piak ngai. Ka thla camnaak in ka hmuhmi ka ruah tik ah hi dir hmun hi fawi te hlek cun pom ding le awm ding a si rua lo ka ti. Dawtnaak in ka lung ummi ka van langh ter. A mah nih siseh mi dangdang zong nih si u law nan lung tlin lonaak le ka palhnaak a um le rak ka ngai thiam u mu !!!!!! Cattialtu: JP Biak Tin Sang

Relchih: Thinphang Ngai Si Cang! Ralkap Nih Nawlthar (3) An Chuah Cang! Ralkap nih uknak an lak hnu cun zezong te buainak lawng tein a khat cang ko. Tutan ah rakap nih Myanmar ramchung Internet hman ningcang cu bia tak tein rengh ding ah ralkap cozah nih “Cyber Security Law” a dang a timh tiah VOA nih a langhter. Hi kongah Myanmar ramchung thiamsang hna nih “Hi upadi hi ramchung thawngzamhnak rikhiahnak le upadi a buarmi pawl tlaihkhihnakding ah an suaimi a si ko,” tiah an chim.

Ralkap cozah (State Administrative Council) nih a dang tein a suaimi “Cyber Security Law” ah biapi in zulhphung phunthum an ser. Pakhatnak: Myanmar ramchung Internet Service a petu company hna nih Internet a hmangtu mipi i an konglam (Data) cu ralkap cozah nih an theihnak hmun ah kumthum chung an fim lai.

Pahnihnak: Ralkap cozah nih Internet hmangtu hna konglam (Data) cu a herh a ti caan paoh ah upadi ning in Internet Company pawl sinah halnak nawl le laknak nawl a ngei lai. Pathumnak: A cunglei upadi hi internet Company pawl nih an buar a si ahcun kumthum tiang thongthlak khawh le Ks ting 10 liamter khawh an si lai timi pawl hi an i tel, tiah VOA nih a langhter.

A cunglei upadi a dang cu remh a herhmi pawl remh i ralkap sinah February 15 hlan ah ap tthan ding in Myanmar ramchung internet Company pawl sinah an theihternak ca an pek hna tiah VOA nih a langhter. Atu bantuk in ralkap cozah nih Cyber Security Law serhram a thawk tikah Myanmar ramchung zatlangbu hna nih hi upadi nih hin nuhrin covo a buar pin ah zalong tein chimrelnak nawl zong a buar tiah an langhter. Source: VOA