Chinram Khualipi Halkha Ah Chin Nungak Tlangval 300 Renglo Nih Milem Biak Hram An Thok Cang Tiah Theih Asi: A cung i ka tlangtar khi nan rel ahcun nan khuaruah zong a har kho men, sihmanhselaw harhlah a dik mi a si ko ti kha hngal law mahbantuk in a tuahtu pawl le a hruaitu pawl hna cu upa lungfim hna nih an cungah bia tha tein chim ding a si i, mah an ngeihlo ahcun a herhning in hmalak dinga si.

Zahan ah khan Hakha GTI ah Color Festival an tuah i mah an tuah lio ahcun nungak tlangval pawl cu nuam taktak in rong an i thuh hna i, rong an i thuh khawhah hla mak deuhdeuh an chuah i nu he pa he lulam hngallo in an laam thluahmah hna i, mah ti zohduak hna ahcun a nuam ngai lai i, tuah pengding a si ti zong a phu kho men ko.Sihmanhselaw mah hi an tuah mi hi zei a si an hngalhlo mi hi a poinak a si.

Nungak tlangval minung 300 renglo nih cun rong an i thuh khawh in an laam hna i, mah cu pahcun ti in heh tiah an i kaap hna. Mah hi an tuahmi rong an i thuh mi hi india ram Hindu milem a bia mi hna nih an pathian an thangthatnak puai phunkhat a si i, mah an puai ah hin zu a ding kho nih zu zong heh tiah an din i mah ni ah hin kan i nuam an tinak ah a thih phahmi zong an um lengmang tawn.

Mah bantuk in a tuhnu ah mah hna pawl nih hin an tuah tinak hnga lo lungfim tein chimh le relh an hau i,mah hi milem biaknak puai- milem an thangthatnak puai hi kan nih a nungmi Pathian a zum mi ram le miphun nih kan hman pengding phun in an hman tinak hngalo a rannak in hlohkhawh dingin Chin mipi i zuam cio dingin sawm kan si. Credit: Tin Duh Thang