Chinpa Pu Tuan Thang Nupi AA Nih An Hremning Cu Tuk A Sum Taktak Nam In An Ah I Tisa Tlok In An Toih Sa Ṭhuat Bakin Ṭhuat Ko

Thawngpang

Rakhine ram, Aam Peng, Maung Taw khua ah thil cangmi a si i ralkap pawl nih Chinpa Pu Tuan Thang nupi cu fak taktak in an hrem. An hremning a faak ngaingai. Kum 51 a simi Pu Tuan Thang cu ralkap nih AA tapung he pehtlaihnak a ngeimi ah puh in an inn an kulh dih hnuah a inn chungah a dah-tthlawk dih i Pu Tuan Thang cu an rak hmu lo. Tuan Thang cu khual a rak tlawn diam ai.

Image may contain: one or more people and close-up

Ralkap nih cun a nupi Daw Hlah (kum 44) le a fapa Mg Kyaw (kum 21) cu an tlaih hna. An nufa tein cun ralkap pawl nih ri in an hren hna i bia an hal hna i cuti bia an hal pah hna ahcun an hrem chih len hna. Hikong ah CHRO nih cun “Rakap pawl nih cun zinglei ah Pu Tuan Thang a inn cu an kulh dih. Asinain pabik Pu Tuan Thang cu khual atlawn tikah a nupi le a fapa cu zinglei suimilam 10 hrawng an tlaih hna. An nufa in cun sianginn an hren hna. Zaanlei suimilam 3 hrawngah biahal hram an thawk hna.

Khoika dah meithal a chiah, khua dah a kal tiin bia an hal hna. Cuti bia an hal pah hna ahcun Pu Tuan Thang nupi Daw Hlah cu ralkap nih a ke ah nam an aah pah hleiah a khuk zong sobul in an tuk chih len. Tisa tlawk in an toih hlei ah zaan khuadei sianginn ah an hren hna,” a ttial ve.

Chin miphun humhimtu Community Salai Tera zong niha chim vemi cu ” Saram bangin an hrem. Biahal an duh a si ahcun ttha tein an halding a si ko. Nu a si hleiah an lunghrinhnak men in khatluk tiangin an hrem kha cu an luan ngamsam. Hi hnuah cun hibantuk hi cang ti hlah seh tiah kan nawl duh hna,”tiah a chim ve.

Pu Tuan Thang i fapa Mg Kyaw cu palik nih an hruai i Aam khuapi palik zungah phungning bangin hro an cer rih tiah theih a si. Da Hlah zong sizung in achuak cang nain an hremnak hliamhma pawl cu a dam tlaing rih lo tiah Aam khua i a ummi a chungkhat a simi mi pakhat nih CHRO sinah a chimh hna.

Image result for AA army

Pu Tuan Thang cu Maung Taw khua ah dawr ngapi pakhat a ngei i ralkap pawl nih an tthlawk lioah a dawr thilri tampi an hrawhpiak tiah CHRO nih a langhter ve. Ralkap nih Pu Tuan Thang dawr thilri ah hrawhpiakmi cu tangka faiin Ting 30 man bak an hrawh piak theih a si. Thlanglei tlaitlang le Rakhin ramkulh chungah a ummi Chinmi cheukhat hna cu AA le ralkap kahdohnak ruangah hremnak tuarmi le hliamhma tuarmi an um len ti a si fawn. Source: Khonumthung/CHRO Hi link ahhin tling tein rel khawh a si le hmanthlak fiang tein zoh khawh a si.

Leave a Reply