Chinnu Sayamah Zohchia Ngaiin Thah A Tong

Magway Region, Taungdwingyi Myone i cachimtu sayamah rian a ttuan liomi Mai Tan Tan Su (kum 34) cu september 30 zanlei ah thah a tong tiah theih asi. Chinnu Mai Tan Tan Su hi Taungdwingyi Myone Tak-Puk-Aung khua ah cachimtu sayamah ttuan in a ummi a si. Setemper 30 zanlei i sianginn in a ttin pah ah atu bantukin thah a tonhi a si.

Mai Tan Tan Su thattu hi Phu Peo @ Su Naing kum 20 asi. Phu Pheo nih Mai Tan Tan Su hi nam in voi 7 tiang a tuuk. A lu a hmai le a tawttawk hna ah fak ngaiin a tuuk ti a si. A hmun ah chinnu Mai Tan Tan Su cu a thi colh ti a si. An konglam a theihmi nih an chim ning ah cun Mai Tan Tan Su le Phu Pheo hi a hlan ah an rak buai bal cang tiah an chim.

Cuticun ahlan ah an rak buai i, a sung silo (cinat) lo ruangah atu bantukin a thah a tonnak hi a si lai tiah an ti ve. Chinnu a thattu Phu Peo cu Pohmah 302 in palik nih an tlaih. Phu Peo nih hin chinnu Mai Tan Tan Su hi a hnu ah maw siloah a thah hlanah maw a sualpi le sualpi lo cu theih fian a si lo. Mai Tan Tan Su hi fa pahnih ngei cangmi asi i nutung/nuthlawi asi. Ref: Zalen