Chinnu (17) Nute Bomh Lamh Sual Ruangah A Nunnak A Liam

Myanmar News

Thlanglei Laitlang Paletwa le Rakhine ramkulh chungah Myanmar ralkap le AA ralkap ikahdohnak a dai kho hlei lo. Myanmar ralkap nih AA ralkap nan bawmh tiin ramchungmi sualnak zeihmanh ngei lomi pawl cu tlaih in an hrem hna i, a nunnak a liammi zong tampi an um cang.

One killed in AA, Government army clash | Mizzima Myanmar News and ...

Hniang 3,2020 zongah Rakhine ramkulh Ann Myone Kazukaing khua ah a ummi Chinnu kum (17) nu Wah Tung cu ralzam bawmchan in a cawlcanghnak ah ralkap nih bomh an kamhmi a lamh sual ruangah a puak i a ke pahnih kiak in a hmun ah a nunnak a liam tiah theih a si.

Myanmar military top brass involved in Rohingya atrocities ...

Ann Myone khua ah Chinmi ralzaam tampi an um tiah theih a si i Sami le Paletwa bangin kal chukcho a fawi lo tikah bawmhnak ei din le thilri zong duh ning in an ngei lo ti a si. Sagaing ramchung ah Chinmi tampi kan um bangin Rakhine ramkulh chung zongah Chin ralzam tami an um ve i AA ralkap le Myanmar ralkap kahdohnak ruangah buainak tampi an tong.

Ann Myone Kzukaing ramchung ah ni (5) chungah bomh kamhmi i lamh ruangah a nunnak a liammi hi minung (3) leng an um cang ti a si. Cu bomh an kamhmi cu zei bantuk ralphu nih dah an kamh ti belte theih a si lo i Myanmar ralkap le AA ralkap cu ipheh veve in anmah le anmah tu an ipuh len. (RRCCI/Vapualauaw)

Leave a Reply