Tuchun Coronavirus Update 03/14/2020: US ah coronavirus in minung 47 an thi cang. Zawtnak rungrul a ngeimi minung 2179 an si. President Trump nih US ram pumpi emergency declaration a tuah cang. Tuzarh zarhpi ni hi US ram pumpi in National Prayer Day ah a ser i, US rampi caah thlacam dingin thanhnak a tuah. US cozah sianginn tam deuh cu an khar cang. Khualtlawn, meting, conference, puai a phunphunm, lentecelhnak Premier league le Series A puai an thawn. Mibu tampi tonnak tibantuk cancel a si. US ah minung 250 nak tam i pumh khawh a si ti lo. Biakinn tam deuh ahcun i pumh khawh a si lai lo. Zung a kharmi le sianginn a kharmi an um len cang.

Kan umnak Maryland zong March 15-27 tiang sianginn khar a si. Europe ram in US luhnak innka ni 30 chung khar chung a si. Asinain England in cun US ah luh khawh si. Italy, Iran le Switzerland ram hi atu lio ah a zual hma bik an si. Canada vuancichuk nupi, Brazil President, fidi Tom Hank te nupa, British vuanci pakhat le Australia vuanci pakaht, Arsenal coach Arteta, Chelsea team Judson Odoi hna hi coronavirus zawnak rungrul an ngei ti a si. Kawlram, North Korea le Loas ram hi atu tiang ah an itel rih lo. Coronavirus in a a thimi, A zawmi an tampi nain a dammi an tam deuh. Singapore le Korea ahcun an control khawh ngai cang. A thimi hi kum upa thisa dermi le a tar deuhmi an si.

Rarin Ding: 1. Na kut thiang tein ttawl lengmang. Kut ttawl hi khamhnak tha bik a si. 2. Kan taksa kua chung in a lutmi si caah na hnar kua, na mit, le na hnakhaw tongh lo izuam. Rawl ei hrimhrim ah kut in ei lo ding. 3. Mi kut tlaih hrial khawh izuam. A herh lo ah mi tak tongh lo ding. 4. Shopping kal, puai kal i ranril hau. Leng na chuah i na kir le cangka na kut chapiat in thiang tein ttawl lengmang ding A herh lo ahcun leng chuah lo ding a si lai. Na cawpit na hathio i, na tak a linh ahcun sibawi i piah colh ding. Coronavirus hi ttih tuk ding a si lo i, ngamh tuk ding zong a si lo. I ralrin poah a tha. Credit: Salai Lairamthang