Chinmi Zong Kan I Ralrin Ngaingai Aherh Cang Coronavirus Zawtnak Hi Ramdang Ah A Karh Cak Tuk Cang Tiah WHO Director-General Nih Thanhnak A Tuah
China nakin ram dangah Covid-19 hi a kark rang deuh cang : WHO Director-General: World Health Organization (WHO) Director-General Dr. Tedros Adhanom Ghebreyesus nih cun China nakin ramdangah Covid-19 hi a karh deuh cang tiah a chim
Hi bia hi Dr. Tedros nih cun Switzerland, Geneva-a WHO headquaters-a daily briefing an ngeihnak ah a chimmi a si. China i zawtnak Covid-19 hri hi Chinak a chuahnak ram nakin ramdang ah a karh deuh cang tiah a chim i, atu ah cun biatak tein buaipi a hau cang tiah a ti.
” Suimilam 24 chungah khan ram 8 bakah hi zawtnak hrik a ngei tharmi theih peng an si i cu ram hna cu Brazil, Georgia, Greece, North Macedonia, Norway, Pakistan le Romania hna an si “Lungrethei ngaihchia ngaiin um ko hmanh u sihlaw, ramdang hna nih China i an i zohkhenhning banrukin kan i zuam khawh ve ahcun duhsah tein kan doh khawh ko lai,” tiin Dr. Tedros nih cun a chim.
China ram chim lo ah cun Iran,Italy le South Korea ah a ngeimi an tam bik. Cun hi zawtnak hi ram 50 ah a phan cang. Cucaah ramdang dang hmunkhat ah lungrual tein rianttuantti a herh cang ti a chim”, tiah Dr.Tedros nih cun a chim i,
i ralring tein le hmunkhatte ah hi zawtnak chungin i kilven caah ramdang dang a sawm hna.
Nizawn ah khan hi zawtnak a ngeimi hi China ramchungah mi 78,800 nih an ngeih cang ti theih a si hleiah hi zawtnak ruangah a thimi gi minung 2,800 an tiang cang ti a si fawn.