Chinmi Minung 21 Hlengtu Vanlalmuanpuia An Tleih Cang: Yangon ah Singapore puaisa ttuan in kan Chinmi minung 21 renglo a hlengtu Vanlalmuanpuia cu nizan November 07, 2019 zanlei suimilam 6:30pm ah an tleih khawh cang’tiah theih asi.

Letpanchaung police bawi simi Zar Zar Min nih cun zanlei 6:30pm hrawngah Tamu lam lei in Kalaymyo luhnak singboard tarmi pawngah kan tlaih hi si. Atu kan tlaihmi pa Vanlalmuanpuia hi Kalaymyo police zungah kan chiah cang”tiin CT Media sinah a chim. Hi kong he pehlaiin a nupi a nu (A pi) zong Kalaymyo police nih tlaih in an hren chih ve.

25/10/2019 cawnnirukni le 26/10/2019 ah khan Skill pass agent ttuanmi Vanlalmuanpuia nih hin Singapore kal dingmi minung cu Yangon Airport ah i tong dingin a ti hna nain amah cu kal ti loin a rak zam cang. Kal caan a tlin tikah Airport cun a hlen mi hna nih cun an rak hngah peng ko. An hngahmi Vanlalmuanpuia cu phak ballo tikah thawngan hlat tikah cun amah cu Tahan lei panh in a rak zam cang”tiah theih asi Vanlalmuanpui ah nih hin minung pakhat gent fee ah Kawlram phaisa MMK ting 57 a lak hna i, a zam hi si. Ref: WMF

Relchih: Idol kong cu van chim ta lo ah cun rawlei ka thawt dawh si lo Nihin MM Idol zoh cu lung a hmui deuh lo. Rock night asi timi asullam ngei lak in Chin 3 ningin an chuahpi kho lo. Chin mi aw hi, Hymn awcawi in kan cawi pah dih deng i si rua ti awk in. Alien Kyaw Thein Design belte cu a mak chin chin.

Hlasak thiam le awthat lawng hi a rak za lo, hi pawl zuamnak ding caah cun. Music phun hna hi thleidan thiam dih a herh ngai. Zei hi dah Rock a si, Rock hmanh ah – a hak deuhmi, a cian deuhmi Rock, chan hlun deuh Rock le Heavy metal ti tiang in a phun tam rih. A uai hninghneng mi Rock hla cu tuzan bantuk ah thim le sak lo ah tha deuh tuk hnga. Mipi hna tur lengmang i a thlirh kho ding Rock hla kha rocker taktak bang in an sak ding ni a si Nain..

Tuni Rocker pawl lak ah Esther, le unau 2 hna caah phan piak awk a um mi hna cu Htet Inzily le Muller an si. Rock hla a tong kho bk mi cu mah 2 hi an si i, Naw Say Say zong a rock bak ve. A dang cu Rock an chei ve tuk hna lo- hla nem sa ding deuh an si. Muller kha Zaw Win Htut hla thing a sak. Mipi nih an theih balmi an hnakhaw um bal cangmi hehchet tiah a cheih khawh. Htet Inzly kha a hla thimmi a dik, a cawlcanghning a mak kho tuk. Rock zan cu si i mu, Naw SaySay cu a nuhrin aw hrim Rock aw si..

Chin 3 hna nih next zuamnak ah an kai khawh si ah cun, zei hla dah kan i thim timi an ruah cikcek a herh lai. Hla dikmi an thim a hau. Hla thar tukmi an thim ding si lo. Mipi zaran nih theih deuhmi le hla pawl cun, Latin zan sinah cun Latin hla tha deuhmi tete an thim thiam a herh te lai. Latin hmanh ahin, Rumber, Chacha, tbtk style dang tampi an um rih. Cun, music hla phunphun an thleidan thiam a herh ngai lai tiah ka ruah. Cu lo ah cun tuzan dirhmun in cun ruahchanhnak an har ngai lai. Ref: Salai Biak