Chinmi/Laimi, Mi Tha Lo Kan Sinak A Lang Cang Hih

Chin News

The Chin Post: Nihin August 9, zinglei suimilam 10:00 hrawng ahkhan Shwe Pyi Ta Bayintnaunglampi pawng ah ummi Cornerstone Baptist Church (CBC) ah SAC ralkap le palik an phan i, pastor nupi sayamah Nu Zing le khrihfa bu upa 2 cu palik sakhan ah an kalpi hna, tiah theih a si.

“Nihin zinglei suimilam 10:00 hrawng ah palik 7 hrawng an ra i pastor pa nupi le khrihfa upa 2 cu an kalpi, zei ruangah an tlaih hna kan hngal lo,” tiah khrihfa bu chungtel pakhat nih a chim. Tuzing lei ah CBC Biakinn i hla cawnnak le lam cawnnak an tuah lio ah palik le ralkap nih luhhnawh in an tlaih hna hi a si, tiah a chim chap.

CBC khrihfa bu pastor Pu Uk Ling Thang cu US ah Baibal sianginn a kai lio a si i, a um lo kar ah a nupi le khrihfa bu chungtel 2 tiin minung 3 cu an kalpi hna. Khrihfa bu upa pakhat nih cun, “Ramkhel lei he ai pehtlaimi cu a si lo, pumpak kong ah mi pakhat nih report a tuah caah hlathlai ding in an kalpi hna hi a si ti in kan theih” tiah a chim. Palik nih sakhan ah an kalpi mi hna 3 chung in sayamah Nu Zing cu nau no ngei ka a si caah a chungkhar cu thinphang in an um, tiah khrihfa bu chungtel upa pakhat nih a chim. (Zalen)

Thawngpang dang: Sagaing ramṭhen, Ayardaw pengchung kahdohnak ruang ah People’s Guerillas Commando(PGC) – Myinmu hruaitu telh in PDF 8 an nunnak a liam, tiah August 8 ah People’s Guerillas Commando – Myinmu nih an ngaihchiatnak an langhter.

Ayardaw peng, Kanyin Malayta khua pawng i a cang mi August 4 kahdohnak ruang ah People’s Guerillas Commando – Myinmu hruaitu le PDF chungtel hna cu an nunnak a liam, tiah theih a si. “Nunnak a liammi People’s Guerillas Commando – Myinmu phu chungtel hna caah kan ngaihchiatnak langhter in, a sangbik upatnak kan in pek hna” tiah an mah he ṭangrual phu Mungyo dohthlennak tuahtu phu nih an langhter.

August thla thawk ka ahkhan SAC ralkap 100 rual hrawng nih vanlei kahdohnak an tuah i, Ayardaw le Myinmu pengchung khua hna cu luhhnawh in kherhhlainak an tuah caah tualchung hriamtlai phu hna he August 4 ahkhan fak ngai in an rak i kap.

Kaphnih kar kahdohnak ah PDF chungtel nunnak liammi an um leng ah, hriamthil zeimawzat kan lakpiak hna, tiah SAC ralkap Media hna nih an langhter. SAC ralkap hna nih Ayardaw le Myinmu pengchung ah innlo hna cu meikhangh in an hrawh caah thilri mansung tam tuk a kaang, tiah tualchung mi nih an chim.

Karenni Ralzaam Camp Cu SAC Ralkap Nih Vanlawng In Bomb An Thlak!: Karenni ramkulh, Loilinlay nichuah lei ralzaam umnak camp cu SAC ralkap nih nihin August 9, zinglei suimilam 11 hrawng ah van lei in bomb an thlakhnawh hna, tiah tualchung mi nih an chim.

“Kaphnih kar kahdohnak a chuakmi zong um lo in, SAC ralkap lei nih vanlei in bomb an thlak i, kahdohnak an tuah caah ralzaam camp sianginn ah a ummi, ngakchia hna cu ramlak lei an zaam hna. Loilinlay nichuah lei ralzaam camp ah cun ngakchia za reng lo an um, tiah PDF chungtel pakhat nih a chim.

Leave a Reply