2015 rampi thim lio Laimi kan bia le hla kha vun ruah tikah kan rak mak ko,tucu NLD dirpi phut usilaw thim nolh tu ah kanmah Chin party kan dirpi te hna lai nan rak ti. Cun, Chin party cu an tamtuk le aho party set dah vote(mee) kan pek lai ti hmanh kan thei lo e tiah nan rak ti .Cuti si kunah cun tiah Chin party pathum cu pakhatah an hun i fonh.

Nan i thawh nolh i Pu Zo Zam,Pu NTK le Pu Lal Maung Cung cherhchan ilak in Chin party vote (mee) pek lo ding tiah nan ti nolh hui rih.2015 lio i party pathum hruaitu hna kha an si tthiam rih ko hih. A ngai ti ko ahcun Chin Acozah NLD cu nan lungumbia hmanh nan chim kho hna lo hih,ralkap uk in pei Chinram an uk hih.Lai media hmanh ton le biaruah an duh bal hna lo khah,Kawl media lawng dawh an ton duh hna kha mu.Mah an lungput cu maw nan tlaihchan.

Chin party nih teinak an hmuh ahcun vuanci(Minister) hmunhma tampi an lak lai i zalong tein nan lungumbia nan chim ruah khawh hna lai.Annih cu Chin party an si caah Chin mipi bia an ngai lai.NLD cu central(Bahu) bia loin zeihmanh an tuah ngam lo hih.Bahu nih Chinram kong zeipi aa ceih duh lo.

Party hruaitu chungah adingfel le fel lo an um cio ko,NLD hruaitu hna hi hawrha bang raang in sualnak ngei lo mi ah dahra nan ruah hna.NLD Cozah kum li chungah NLD upa zeizat remruam ko dah an dawi hna le thongthlak an si kha. Chin party hruaitu zong an ttuan chungah an dinfel lo ah cun party policy ningin NLD tuah btk in tthawl le dawi an sive ko lai tikha theih a hau.NLD vuanci chungin minung zeizat dah tthawl dawi an si cang kha tuaktan a cu.

Pumpak minung zohin vote (mee) pek ding kongah aluancia caan zoh hau.2015 lio ah Dr Hmuh Thang le Pu Van Thawng vote pekin thim an si i zeihmanh an tuah kho lo,Innchung lut loin Innka hram tiang aphanmi btk nan siter men hna.A minung zoh in vote pek atthat lo ning alang.

Articles 261 an remh lo cun zei party hmanh kai sehlaw aa hlei lai lo tikha adik dih lo,An kah lo salu cu NLD nih ilak ko hmanhsehlaw Chief Minister lawng an ttuan lai i adang MP/MLA(Vuanci) vialte kha Chin party nih an tlaih dih lai tikah mitam u duhnak(vote) in akal peng lai caah NLD Vuancichoh(CM) ttuanmi tucu thlahlawh(lakhah) kha a ei sawh lai si ko.Chin party nih MP/MLA hmun an lak dih lai caah meeting poah ah Chin party hna duhnak nih atei peng lai caah Chinram adam deuh lai.

Credit: William HC