Hihi Laimi/Chinmi chungah a ngeimi an um rih lo ti usihlaw kan palh theng men lai loh dah ka ti. Cun, hihi hmuhton a har ngaimi thil a si. Cucu Myanmar Idol Winner kan farnu Esther Dawt Chin Sung nih a hmuh ve. Cucu zeidah a si ka ti ah cun “the Blue Mark” ti a si i hi nih a sawh duhmi cu hi facebook hi ahmaan a dikmi le zumh awk tlak bak (authentic page) a si tinak a si. Cu kan farnu Esther Facebook page cu facebook lei humhimnak a tangah a um cang lai. Cun hack zong hack ngaingai a si lai loh.

Hihi Laimi chungah cun kan um rih lo. Kan farnu Esther Dawt Chin Sung hi a si ko. Esther Dawt Chin Sung nih Blue Mark ahmuhnak kong cu hitihin a tial ” Hihi kan laksawng bantukin ka cohlan lai, Facebook nih “the Blue Mark” ah an ka cohlan ve cang. Hihi saupi ka hngahmi a si. Facebook cungah kaa lawm tuk,” tiah a ṭial.

Miraang nih a tialmi rak rel chih”I will take this as a gift, having the approval from Facebook “the Blue Mark” today which I have been waiting for so long. Thanks heap to Facebook for your recognition. BTW, Happy Mother’s Day to all the mothers including the ones from my WhiteNubies,” tiah a facebook page ah a ṭial hi a si.

Hibantuk hmuh hi a har taktakmi a si. Milar minthang tampi nih an hngah lengmang ciomi le hmuh an duh cio thil pakhat a si. Cucaah hibantuk hi phukhat an tthen a si i Blue Mark le Gray Mark tiin tthen a si. Blue Mark nih cun zum awk tlak bak a si ko a sawh duh. Cun, Gray Mark zong nih cu ṭhiamṭhiam cu a sawh duh ve ko nain, Gray Mark hi cu chawlehnak le a phu in dirhmi lei (business or organization) kam deuh hi a sawh duhmi a si. Kan farnu Esther kan ilawmpi tuk ve.