Ram le miphun caah biatak tein a cawlcangmi le rian aṭuanmi Chinmi nih ramkhel lei ah kan bochanmi kan pa pakhat a simi Dr. Lian Hmung Sakhong cu minung covo kong le remdaihnak caah a rianṭuanmi he pehtlai in Myanmar rampi ruahnak petu (Myanmar State counsellor) Daw Aung San Suu Kyi nih “Peace Making Prize” a ward a pek tiah kan theih.

A luancia kum 10 tuhla Hniang thla ah, Aizawl thonginn ah Human right (Nuhrin covo) kongah thongthlak ka si. Kum 1o hnuah tuni Hniang 17|08|2020 ah Rampi ruahnak petu Daw Aung San Suu Kyi sinin remdaihnak sertu sinak “Peace Making Prize” award ka hmu, tiah Dr. Lian Hmun Sakhong nih amah pumpak facebook ah a taar.

A sung lawi tuk hringhran hi bantuk hi a tingco le a hmutu an tlawm ngaingai. Atu bantukin miphun le ram caah biatak tein a cawlcangmi le a sining le ruahnak dihlak he miphun a dawtu pa kan i ngeihmi hi a sunglawi tuk hringhran. Upatnak sang bik kan pek.

Dr. Lian Hmung Sakhong upatnak caah share in cio hna usih.”Peace Making Prize” an pekmi hi a phu tuk hringhran. Hi hnu hmalei  a karhlannak le miphun le ram caah a rianṭuannak ah Pa Pathian nih lam hruai in umpi zungzal ko seh!

Salai Lungthli Tum|CNLD nih Suu Kyi nakin USDP Than Htay an uar deuh dawh|NLD a hua bikmi le a doh bikmi hi CNLD luthum le an tapeh pawl an si, Chinram NLD lawng an dohmi a si lem lo, Suu Kyi le NLD CEC hruaitu khi biapi ngai in an doh hna.

Hitluk an huat, an doh i an rem lomi party nih Bahu cozah a tlaih than ding khi an duh bak ti lo, party dang nih cozah tlai seh ti an duh deuh lai timi cu hmuh khawh ngai a si ko. NLD nih Bahu cozah a tlaih lo ahcun USDP lawng khi Bahu cozah a tlai kho ding an si.

CNLD an biachim ka zoh tawn tikah USDP an dohnak pakhat hmanh ka hmu bal rih lo. USDP le NLD dohtu party tampi he i bawm in Election Commission voikhat an tong, NLD an dohti. Tutan thimnak zong ah USDP nih Hakha, Falam (No Than Kap hmunhma) le Matupi ah thutnak an kianh hna. A thli tein an i daw ngaingai.

CNLD cu tutiang ah zei bantuk phu hmanh ah hawikomhnak alliance a ser rih lo, nain USDP hawikom tiah ruahmi NBF phu ah Chin Chin Pekthang khi an director a si. Pu Zozam khi hruaitu a si ve fawn.

CNLD luthum lakah lukhat a si vemi Pu Ngaisak nih Lungsamat media he interview ah ralkap le USDP he tanti awk asi ko, mawhchiat awk kan si lo tiah a chim rih.

An cawlcangh ning le an biachim ka zoh lengmang tikah tukum thimnak ah hin CNLD teinak ngah sual ve hna sehlaw central cozah sertu caah NLD nakin USDP uar deuh dawh an si.